1 NDIDEM 4:21 - Edisana ñwed Abasi Ibom

²¹ Solomon onyuŋ akara kpukpru mme idut, ɔtɔŋɔde ke Akpa ye idut mme Philistine, tutu osim ke adaŋa Egypt: mmɔ etomo utomo; enyuŋ edi ikɔt Solomon ofuri ini uwem esie.

1 NDIDEM 4:21 ပူးပေါင်းရင်းမြစ်များ

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

2 SAMUEL 8:2

Enye onyuŋ asuan Moab, onyuŋ ada uruk odomo mmɔ, anam mmɔ ena ke isɔŋ; enye onyuŋ odomo ubak iba eke ediwotde, ye ata akamba ubak eke edinimde ke uwem. Ntre ke nditɔ Moab ekabare edi ifin David, enyuŋ etomo utomo.

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.

1 NDIDEM 12:4

Usɔ akanam ɔkpɔnɔ odobi nnyin: afo kam sio, ndien, ke ɔkpɔsɔŋ utom usɔ, ye ke edidobi ɔkpɔnɔ esie oro enye okodoride nnyin, ndien nnyin iyedi ikɔt fo.

1 NDIDEM 3:13

Ndien ŋko-ŋko, mmonyuŋ nnɔ fi inyene ye ubɔŋ, emi afo mukebeŋeke: ndien baba owo kiet ke otu ndidem idibietke fi ke ofuri uwem fo.

1 NDIDEM 4:22

Ndien udia Solomon ke usen kiet edi ndom-uyo ke cor edip ye duop, ye ndom-uyo (efen) ke cor ata;

1 NDIDEM 4:24

Koro enye akarade ofuri edem akpa emi, ɔtɔŋɔde ke Tiphsah tutu osim ke Gaza, onyuŋ akara kpukpru ndidem ke edem akpa emi; onyuŋ etie ke emem ke edem esie kpukpru.

2 NDIDEM 17:3

Shamaneser edidem Assyria ɔdɔk aka ekɔŋ ye enye; ndien Hoshea akabare edi owo esie, onyuŋ otomo enye utomo.

2 CHRONICLES 17:5

Ndien Jehovah anam ubɔŋ ɔsɔŋ ada enye ke ubɔk; ofuri Judah enyuŋ enɔ Jehoshaphat enɔ; enye onyuŋ enyene ediwak inyene ye ukpono.

2 CHRONICLES 32:23

Ndien ediwak owo eda enɔ esɔk Jehovah ke Jerusalem, enyuŋ eda ŋkpɔ-uto esɔk Hezekiah edidem Judah: ndien toto ke ini oro enye okpon ke enyin kpukpru mme idut.

EZRA 4:20

Mkpɔsɔŋ ndidem ekenyuŋ edu ke Jerusalem, enyuŋ eda ubɔŋ ke ofuri edem akpa emi; mmɔ enyuŋ edia utomo, ye comey, ye utip.

ŊWED MME PSALM 68:29

Ndidem eyeda enɔ esɔk fi, ebaŋa temple fo ke enyɔŋ Jerusalem.

ŊWED MME PSALM 76:11

Mbufo kpukpru emi ekande enye ekuk, ekaŋa akaŋa, enyuŋ esio enɔ Jehovah Abasi mbufo: yak mmɔ eda enɔ esɔk Enye emi ekpebakde.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

ECCLESIASTES 2:25

Koro anie adia, anie onyuŋ ɔsɔp ubɔk akan mi?

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

EZEKIEL 16:13

Ndien afo ada gold ye silver abana idem; edisine-ŋkpɔ fo enyuŋ edi linen ye silk ye ŋwet-ŋwet ɔfɔŋ; afo adia eti ndom-uyo, ye aran-ɔkwɔk ye aran: onyuŋ akabare eye eti-eti, onyuŋ ɔdɔdiɔŋ ɔkɔri ɔwɔrɔ edi obio edidem.

DEUTERONOMY 11:24

Kpukpru ebiet eke ikpat ukot mbufo edidigide ke esit, eyenyene mbufo: adaŋa mbufo eyetɔŋɔ ke wilderness, ye ke Lebanon, ye ke akpa, idem akpa Euphrates, tutu akatuak ke inyaŋ ke edem usop-utin.

JOSHUA 1:4

Adaŋa mbufo eyetɔŋɔ ke wilderness ye Lebanon emi akatuak akamba akpa, akpa Euphrates: ofuri isɔŋ mme Hittite, ada tutu okosim ke akamba inyaŋ ke edem usop-utin.

1 SAMUEL 10:27

Ndien mme oburobut owo edɔhɔ ete, Owo emi edida nso inyaŋa nnyin? Ndien mmɔ esin enye ke ndek, inyuŋ idaha enɔ isɔk enye. Edi enye odop uyo.