1 NDIDEM 3:9 - Edisana ñwed Abasi Ibom

⁹ onyuŋ abat. Nɔ owo fo ndien esit ɔniɔŋ, man ŋkpe ikpe ikɔt fo, man ntim mfiɔk eti ye idiɔk: koro anie ekeme ndikpe akwa ikɔt fo emi?

1 NDIDEM 3:9 ပူးပေါင်းရင်းမြစ်များ

2 SAMUEL 14:17

Ndien ofin aŋwan fo ɔdɔhɔ ete, Yak uyo ɔbɔŋ mi edidem akam edi eke nduɔk-odudu: koro ɔbɔŋ mi edidem etiede kpa nte angel Abasi ndikop eti ye idiɔk: Jehovah Abasi fo onyuŋ odu ye afo.

1 NDIDEM 10:24

Ndien ofuri ererimbot eyom iso Solomon, kpaŋ ekpekop ifiɔk esie, emi Abasi ekesinde enye ke esit.

1 NDIDEM 3:10

Ndien uyo oro enem Ɔbɔŋ, koro Solomon ekebeŋede oruk ŋkpɔ emi.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 CHRONICLES 22:12

Yak Jehovah akam ɔnɔ fi ikike ye asian, onyuŋ eteme fi abaŋa Israel, man afo onim mbet Jehovah Abasi fo.

1 CHRONICLES 29:19

nyuŋ nɔ Solomon eyen mi esit kiet, man enye onim ibet fo, ye ido fo, ye mme ewuhɔ fo, onyuŋ anam kpukpru, onyuŋ ɔbɔp temple emi ntimde ŋkpɔ mbeŋe.

2 CHRONICLES 1:10

Kam nɔ mi eti ibuot ye ifiɔk, man ŋwɔrɔ ke iso mbio emi, nnyuŋ nduk: koro anie edikpe akwa ikɔt fo emi?

ŊWED MME PSALM 119:144

Ikɔ ntiense fo edi edinen ke nsinsi: tim sian mi, ndien itɔŋ uwem eyesɔŋ mi.

ŊWED MME PSALM 119:34

Tim sian mi, ndien nyekpeme ido fo; nnyuŋ nnim enye ke ofuri esit mi.

ŊWED MME PSALM 119:73

Ubɔk fo amanam mi, omonyuŋ obot mi: tim sian mi, nyuŋ yak mi ŋkpep mbet fo.

MME ŊKE 14:8

Eti ibuot owo ifiɔk ɔdiɔŋɔ usuŋ esie: edi ebiɔ ndisime edi abiaŋa.

MME ŊKE 16:16

Ndinyene eti ibuot ɔfɔn adaŋ didie akan ata gold! Ndinyuŋ nnyene asian edi se owo ekpemekde akan silver.

MME ŊKE 20:12

Utɔŋ eke okopde, ye eyin eke okutde, edi Jehovah anam idem mbiba.

ECCLESIASTES 7:11

Eti ibuot ɔfɔn akan akpa (eke owo adiade); akpan-akpan (ɔfɔn) ye mmɔ ekutde utin.

ECCLESIASTES 7:19

Eti ibuot anam enyene-ibuot owo ɔsɔŋ akan mbɔŋ duop eke edude ke obio.

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

JEREMIAH 45:5

Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

MATTHEW 3:14

Edi John aŋwana ndibiɔŋɔ Enye, ete, Ŋkam nyom Afo onim mi baptism, ndien Afo etiene mi?

JOHN 5:30

Ami ŋkemeke ndinam baba ŋkpɔ kiet ke Idem Mi: adaŋa nte ŋkopde ke mbiere ikpe; ndien ubiere-ikpe Mi edi edinen; koro mbineke uduak idem Mi, edi mbine uduak Andidɔŋ Mi.

2 ŊWED CORINTH 2:16

ye mmɔ emi, nte ufik eke ɔkɔrɔde mkpa ke mkpa, ye ye mmɔ eken, nte ufik eke ɔkɔrɔde uwem ke uwem.

2 ŊWED CORINTH 3:5

Emi iwɔrɔke ite nnyin imekeme ke idem nnyin ndibiere ŋkpɔ ekededi ke odudu idem nnyin:

ŊWED MBON EPHESUS 5:17

Mmɔdo ekudi mme ɔkɔi, edi etim efiɔk se Ɔbɔŋ amade.

ŊWED MBON PHILIPPI 1:10

man mbufo ekeme ndidomo mfiɔk se ifɔnde ikan, kpaŋ mbufo edi edideŋi ekunyuŋ enyene ndudue tutu osim usen Christ;

MME HEBREW 5:14

Edi ɔkpɔsɔŋ udia enyene mmɔ emi ema ekokoŋ ewɔrɔ idaha, kpa mmɔ emi otode ke nnam-mehe mmɔ ema ekɔ ifiɔk ndidiɔŋɔ se ifɔnde ye se idiɔkde.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.