1 NDIDEM 3:7 - Edisana ñwed Abasi Ibom

⁷ Ndien ke emi O Jehovah Abasi mi, afo omonim owo fo ke edidem ke itie David ete mi; ndien ami ndi ata eyenɔwɔŋ: mfiɔkke ndiwɔrɔ nnyuŋ nduk.

1 NDIDEM 3:7 ပူးပေါင်းရင်းမြစ်များ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

1 CHRONICLES 22:5

Ndien David ɔdɔhɔ, ete, Solomon eyen mi edi ekpri eyen-ɔwɔŋ, inyuŋ isɔŋke, ndien ufɔk eke ekpebɔpde enɔ Jehovah enyene ndikpon eti-eti, man enye enyene etop ye itoro ke otu kpukpru mme idut; yak ami mbon ndien ŋkpɔ nnɔ enye. Ntre ke David obon ediwak ŋkpɔ ke enye mika-ikpaha kaŋa.

1 CHRONICLES 22:9

Sese, eyen eyemana ɔnɔ fi eke edidide owo nduɔk-odudu; nyenyuŋ nnam enye ɔbɔhɔ kpukpru mme asua esie eke ekande enye ekuk, ɔduɔk odudu: koro enyiŋ esie eyekere Solomon, ndien nyenɔ Israel ifure ke eyo esie.

1 CHRONICLES 29:1

EKEM David edidem ɔdɔhɔ ofuri esop, ete, Solomon eyen mi, emi Abasi emekde ikpɔŋ-ikpɔŋ, edi eyenɔwɔŋ, onyuŋ esehe, ndien utom oro omokpon: koro temple emi midige eke owo, edi enyene Jehovah Abasi.

ŊWED MME PSALM 121:8

Jehovah eyekpeme eriwɔrɔ fo ye eriduk fo, ke emi ye ke nsinsi.

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

ECCLESIASTES 10:16

Ifɔnke inɔ fi, O obio, eke edidem fo edide eyenɔwɔŋ, mbɔŋ fo enyuŋ ediade ŋkpɔ ke usen-ubɔk!

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

JEREMIAH 1:7

Ndien Jehovah ɔdɔhɔ mi, ete, Kudɔhɔ ete, “Ami ndi eyen-ɔwɔŋ:” koro afo eyesaŋa kpukpru utom eke ndidɔŋde fi, eyenyuŋ etiŋ kpukpru se ndiwukde fi.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

DANIEL 5:21

enyuŋ ebin enye ke ɔtɔ nditɔ owo efep, enyuŋ enam esit esie akabare ebiet eke mme unam ikɔt, iduŋ esie onyuŋ odu ye mme ass ikɔt: enɔ enye mbiet ata nte enaŋ, mbara emi otode ke enyɔŋ onyuŋ ebit enye idem, tutu enye edifiɔk ete ke Edikoŋ Abasi akara ubɔŋ ererimbot, onyuŋ emenere owo ekededi eke enye amade odori ke esit.

NUMBERS 27:17

emi edibemde mmɔ iso ɔwɔrɔ, onyuŋ ebemde mmɔ iso oduk, emi edinyuŋ adade mmɔ ɔwɔrɔ, onyuŋ adade mmɔ oduk; man mbio esop Jehovah ekutie nte ufene eke minyeneke andikpeme.

JOHN 10:9

Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.

DEUTERONOMY 31:2

Ndien enye ɔdɔhɔ mmɔ, ete, Ami mmosim isua ikie ye edip mfin emi; ŋkemeke aba ndiwɔrɔ nnyuŋ nduk: Jehovah omonyuŋ ɔdɔhɔ mi, ete, Afo udubehe Jordan emi.

1 SAMUEL 18:16

Edi ofuri Israel ye Judah ema David, koro enye ɔwɔrɔde onyuŋ odukde ke iso mmɔ.