1 NDIDEM 3:5 - Edisana ñwed Abasi Ibom

⁵ Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

1 NDIDEM 3:5 ပူးပေါင်းရင်းမြစ်များ

1 NDIDEM 11:9

Ndien Jehovah ayat esit ye Solomon, koro esit esie akabarede ɔkpɔŋ Jehovah Abasi Israel, emi okowutde enye idem utim ikaba;

1 NDIDEM 9:2

ndien Jehovah ɔtɔŋɔ ntak owut Solomon idem, kpa nte okowutde enye ke Gibeon.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 2:13

Ekem ke mmɔ ema ekenyɔŋɔ, sese, angel Jehovah ɔbiɔŋɔre Joseph ke iso ke ndap, ete enye, Daha ke enyɔŋ, da nsek eyen ye eka Esie, fehe, ka ke Egypt ke odu do, tutu nnɔ fi uyo; koro Herod ɔmɔŋ oyom nsek eyen oro ndiwot.

MATTHEW 2:19

Edi ke ini Herod ama akakpa, sese, angel Jehovah ɔbiɔŋɔre Joseph ke iso ke ndap ke Egypt, ete enye,

MARK 10:36

Ndien Enye ete mmɔ, mbufo eyom ete nnam nso nnɔ mbufo?

MARK 11:24

Mmɔdo ndɔhɔ mbufo nte, Kpukpru ŋkpɔ ekededi eke mbufo ebɔŋde akam ebeŋe, enim ete mme imɔ ima ibɔ inyene, ndien eyewɔrɔ ɔnɔ mbufo.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.