1 NDIDEM 3:28 - Edisana ñwed Abasi Ibom

²⁸ Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 3:28 ပူးပေါင်းရင်းမြစ်များ

1 NDIDEM 10:9

Etoro Jehovah Abasi fo, emi amade fi, onyuŋ emende fi odori ke ebekpo Israel: koro Jehovah amade Israel ke nsinsi esin enye onim fi ke edidem, man afo ekpe ikpe eke enende.

1 NDIDEM 3:27

Ndien edidem ɔbɔrɔ, onyuŋ ɔdɔhɔ ete, Mbufo enɔ enye oro odu-uwem eyen, ekunyuŋ ewot enye baba: enye oro edi eka esie.

1 NDIDEM 4:1

NTEM ke edidem Solomon edi edidem ofuri Israel. Ndien mme mmɔ emi edi ikpɔ owo esie;

1 CHRONICLES 29:24

Ndien kpukpru mbɔŋ, ye mbon-uko, ye kpukpru nditɔ edidem David nde, ewuk ubɔk enɔ Solomon edidem.

EZRA 7:25

Ndien afo Ezra, da ifiɔk Abasi fo emi odude fi ke idem, nim mme ebierikpe, ye mme ekpe-ikɔ eke edikpede ikɔ kpukpru owo emi edude ke edem akpa oko, kpa kpukpru owo eke efiɔkde mbet Abasi fo, ndien mbufo esian mmɔ eke mifiɔkke.

ŊWED MME PSALM 72:2

Enye eyebiere ikɔ ikɔt fo nte enende, ye eke mme ubuene fo nte ɔfɔnde.

ŊWED MME PSALM 72:4

Enye eyekpe ikpe mbon eke etuhɔde; eyenyaŋa nditɔ unana, onyuŋ anuak owo utuk.

EXODUS 14:31

Ndien Israel enyuŋ ekut ɔkpɔsɔŋ ubɔk oro Jehovah adade anam nditɔ Egypt: Kpukpru owo enyuŋ ebak Jehovah, enyuŋ enim uyo Jehovah ke akpanikɔ, ye eke owo esie Moses.

MME ŊKE 16:10

Ikɔ Abasi odu ke mkpɔk-inua edidem: inua esie iduhe ke ikpe.

MME ŊKE 24:21

Eyen mi, bak Jehovah ye edidem: kunyuŋ ubuana ye mbon nsɔŋ-ibuot:

MME ŊKE 25:2

Ndidip ŋkpɔ edi ubɔŋ Abasi: edi ndiyarare ŋkpɔ edi ubɔŋ edidem.

MME ŊKE 8:15

Oto mi ndidem eda ubɔŋ, mbɔŋ enyuŋ ewuk se inende.

ECCLESIASTES 7:19

Eti ibuot anam enyene-ibuot owo ɔsɔŋ akan mbɔŋ duop eke edude ke obio.

ISAIAH 28:6

onyuŋ edi spirit ikpe mmɔ eke etiede ke itie ikpe, onyuŋ edi odudu mmɔ eke ebinde ekɔŋ efep ke inua-otop.

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

1 ŊWED CORINTH 1:24

Edi ɔnɔ mmɔ emi Abasi okokotde, ye mmɔ edide mme Jew ye edide mme Greek, Christ emi edi odudu Abasi ye ifiɔk Abasi.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

ŊWED MBON COLOSSAE 2:2

man mmɔ ekpekam ekop nsɔŋ-esit, enyuŋ ekpep se ima edide. Mmɔ ekpekam esim ofuri uwak mbuɔtidem emi otode ke eritim mfiɔk ŋkpɔ. Mmɔ ekpekam ebure efiɔk ndibe-ŋkpɔ Abasi, oro edi Christ;

ŊWED MBON COLOSSAE 2:3

emi ofuri inyene ɔniɔŋ ye ifiɔk edibede enye ke idem.

JOSHUA 4:14

Ke usen oro Jehovah okpono Joshua ke iso ofuri Israel; ndien mmɔ eteŋe enye, nte eketeŋede Moses, ofuri ini uwem esie.

1 SAMUEL 12:18

Ndien Samuel eseme ɔnɔ Jehovah, ndien Jehovah anam enyɔŋ oyomo, onyuŋ anam edim edep ke usen oro: ndien kpukpru owo ebak Jehovah ye Samuel eti-eti.