1 NDIDEM 3:12 - Edisana ñwed Abasi Ibom

¹² sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

1 NDIDEM 3:12 ပူးပေါင်းရင်းမြစ်များ

1 NDIDEM 2:6

Nam ndien ke eti ibuot fo, kunyuŋ uyak iwat esie ɔsuhɔre ke udi ke ifure.

1 NDIDEM 2:9

Kuyak enye ɔbɔhɔ isop ndien: koro afo edide owo eti ibuot, onyuŋ ɔfiɔkde se akpanamde ye enye; nam ndien iwat esie ɔsuhɔre ke udi ke iyip.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 5:12

Ndien Jehovah ɔnɔ Solomon eti ibuot, kpa nte Enye ɔkɔdɔhɔde enye: emem onyuŋ odu ke ufɔt Hiram ye Solomon; mmɔ owo mbiba enyuŋ ediomi ediome ŋko ŋko.

1 NDIDEM 5:9

Ikɔt mi eyeda mmɔ ke Lebanon esuhɔre ke inyaŋ: ndien ami nyenam mmɔ efiɔrɔ ke inyaŋ eka ke ebiet eke afo edisiakde ɔnɔ mi, nnyuŋ ntat mmɔ do, ndien afo eyebɔ mmɔ; afo eyenyuŋ anam se inemde mi, ke erinɔ ufɔk mi udia.

1 CHRONICLES 29:25

Ndien Jehovah anam Solomon okpon eti-eti ke iso ofuri Israel, onyuŋ ɔnɔ enye oruk ubɔŋ itie edidem eke akananam midoroke baba edidem Israel kiet eke ekebemde enye iso.

2 CHRONICLES 2:12

Huram onyuŋ ɔdɔhɔ, ete, Mbufo etoro Jehovah Abasi Israel, emi akanamde enyɔŋ ye isɔŋ, emi enɔde edidem David enyene-ibuot eyen emi edide ɔniɔŋ ye asian, man enye ɔbɔp ufɔk ɔnɔ Jehovah, ye ufɔk ubɔŋ esiemɔ.

NEHEMIAH 13:26

Nte idige ŋkpɔ emi ekesin Solomon edidem Israel anam idiɔk ido? ndien baba edidem kiet eke ebietde enye ikoduhe ke otu ediwak mme idut, emi Abasi esie akamade enye, Abasi onyuŋ onim enye ke edidem ofuri Israel: edi isen iban oro enam kpa enye edue.

ŊWED MME PSALM 10:17

O Jehovah, afo omokop se mbon ukut eyomde: eyesɔŋ mmɔ esit, eyekpaŋ utɔŋ fo;

MME ŊKE 2:6

Koro Jehovah enyene eti ibuot; ifiɔk ye mbufiɔk eto enye ke inua.

ECCLESIASTES 1:13

Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

ECCLESIASTES 1:16

Ami ŋkɔdɔhɔ ke esit mi, nte Sese, mmokpon, nnyuŋ ŋkɔ mbufiɔk ŋkan kpukpru mmɔ emi ebemde mi iso ekara Jerusalem: esit mi onyuŋ okut ata ediwak mbufiɔk ye ifiɔk.

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

MATTHEW 12:42

Ɔbɔŋ-aŋwan usuk eyedaha ada ke usen ikpe ye emana emi, onyuŋ obiom enye: koro enye okotode ke mme utit isɔŋ edi edikop ɔniɔŋ Solomon: ndien sese, Enye emi okponde akan Solomon odu mi.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

DEUTERONOMY 34:9

Ndien spirit ɔniɔŋ ɔyɔhɔ Joshua eyen Nun ke idem: koro Moses akadade ubɔk esie odori enye ke idem: ndien nditɔ Israel ekop uyo esie, enyuŋ enam kpa nte Jehovah eketemede Moses.

ŊWED MBON COLOSSAE 2:3

emi ofuri inyene ɔniɔŋ ye ifiɔk edibede enye ke idem.