1 NDIDEM 22:27 - Edisana ñwed Abasi Ibom

²⁷ nyuŋ dɔhɔ ete, Ntem ke edidem ɔdɔhɔ ete, Mbufo esin owo emi ke ufɔk ukwak, enyuŋ eda uyo ukut, ye mmɔŋ ukut ebɔk enye, tutu ami ndi ke ifure.

1 NDIDEM 22:27 ပူးပေါင်းရင်းမြစ်များ

1 NDIDEM 13:4

Edikem adaŋemi edidem okopde uyo owo Abasi oro okofioride okot itie-uwa ke Bethel, Jeroboam ada ke ŋkaŋ itie-uwa anyan ubɔk esie, ete, Mbufo emum enye. Ndien ubɔk esie emi enye anyande otuk enye eken, akpa, enye inyuŋ ikwe aba nte adade ubɔk adian ke idemesie.

1 NDIDEM 22:26

Ndien edidem Israel ɔdɔhɔ ete, Mum Micaiah, da enye fiak kɔnɔ Amon etubom obio, ye Joash eyen edidem;

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

ŊWED MME PSALM 102:9

Koro ntade ntɔŋ nte uyo, nnyuŋ mbuak se ŋŋwɔŋde ye mmɔŋ-eyet,

ŊWED MME PSALM 127:2

Mbufo ndibak ndemere, nnyuŋ mbigi nditie, nnyuŋ nta uyo ukut, edi ikpikpu: ntem ke enye ɔnɔ ima esie idap.

ŊWED MME PSALM 80:5

Afo ɔnɔ mmɔ uyo mmɔŋeyet; onyuŋ odomo mmɔŋeyet ɔnɔ mmɔ eŋwɔŋ.

ISAIAH 30:20

Ndien Ɔbɔŋ eyenɔ mbufo uyo ukut, ye mmɔŋ ndutuhɔ, edi mmɔ eke etemede fi ididibeke aba: enyin fo eyenyuŋ ekut mmɔ eke etemede fi:

JEREMIAH 20:2

Ndien Pashhur amia Jeremiah prophet, onyuŋ esin enye ke ebuka oro odude ke enyɔŋ-enyɔŋ inua-otop Benjamin emi odude ke ufɔk Jehovah.

JEREMIAH 29:26

“Jehovah okonim fi ke oku ke ibuot Jehoiada oku, man mme etubom ekpedu ke ufɔk Jehovah, ebaŋa kpukpru owo eke edamade idat, enyuŋ enimde idem mmɔ ke prophet, man afo onyuŋ esin mmɔ ke ebuka ye ke ufɔk ukwak.”

JEREMIAH 36:23

Edikem ke ini Jehudi ama okokot mbak ita mme inaŋ, enye (Jehoiakim) ada ikwa ewet ŋwed osibe mmɔ efep, ada otop ke ikaŋ oro odude ke eso, tutu ofuri ŋwed ama ata ke ikaŋ emi odude ke eso.

JEREMIAH 37:15

Ndien mbɔŋ oro ekpahesit ye Jeremiah, enyuŋ emia enye, enyuŋ eda enye esin ke ŋkpɔkɔbi ufɔk Jonathan ewet ŋwed: koro mmɔ ekenimde enye ke ufɔk ukwak.

JEREMIAH 38:6

Ndien mmɔ emum Jeremiah eka ekeduɔk ke obube Malchijah eyen edidem, emi odude ke okure ufɔk ukwak: ndien mmɔ eda idut esuhɔre Jeremiah. Ndien mmɔŋ iduhe ke obube oro, ke mibɔhɔke mbat odu. Ndien Jeremiah ɔbuhɔ ke mbat.

LUKE 3:20

Herod ɔkɔrɔ idiɔk-ŋkpɔ emi ke kpukpru mmɔ eken, ɔkɔbi John abaha ke ufɔk-ŋkpɔkɔbi.

UTOM MME APOSTLE 26:10

Mma nnyuŋ nnam ntem ke Jerusalem, ndien ŋkɔbi ediwak nti owo mbaha ke ufɔk-ŋkpɔkɔbi, ke mbɔde odudu ke ubɔk ikpɔ oku: ndien ke ini eyomde ndiwot mmɔ, nnyime ewot.

UTOM MME APOSTLE 5:18

ndien mmɔ emum mme apostle, esin mmɔ ke ufɔk-ŋkpɔkɔbi.

ŊWED MBON EPHESUS 3:1

KE ntak emi ami Paul, emi ndide owo-ŋkpɔkɔbi Christ Jesus mbaŋa mbufo mme Gentile—

DEUTERONOMY 16:3

Kuta uyo eke leaven esinede udian ye enye; ke ofuri usen itiaba da uyo eke leaven miduhe, kpa uyo ukut, ta ye enye: koro afo ekefehede itɔk ke isɔŋ Egypt ɔwɔrɔ: man afo eti usen oro afo okotode ke isɔŋ Egypt, ke kpukpru usen uwem fo.

MME HEBREW 11:36

Mmɔ efen ekut idomo oto nsahi ye ufen ye ŋkpɔkɔbi ye ufɔk-ŋkpɔkɔbi ŋko;

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.