1 NDIDEM 22:23 - Edisana ñwed Abasi Ibom

²³ Wɔrɔ kanam ntre. Mmɔdo, sese, Jehovah emesin kpukpru mme prophet fo emi spirit nsu ke inua, Jehovah onyuŋ ɔdɔhɔ idiɔk abaŋa fi.

1 NDIDEM 22:23 ပူးပေါင်းရင်းမြစ်များ

1 NDIDEM 20:42

Ndien enye ɔdɔhɔ edidem, ete, Ntem ke Jehovah ɔdɔhɔ ete, koro afo akasanade owo nsobo mi ayak ɔbɔhɔ ke ubɔk, mmɔdo edikaŋade uwem fo ke ibuot uwem esie, ye ikɔt fo ke ibuot ikɔt esie.

1 NDIDEM 21:19

Ntem ke Jehovah ɔdɔhɔ ete, Nte afo omowot, omonyuŋ ada ŋko? Nyuŋ dɔhɔ enye, ete, Ntem ke Jehovah ɔdɔhɔ, ete, Ke ebiet emi mme ebua edeide iyip Naboth, ke mme ebua edinyuŋ edei iyip fo ŋko-ŋko.

1 NDIDEM 22:24

Edi Zedekiah eyen Chenaanah asaŋa ekpere okoyibi Micaiah ke mfuk, onyuŋ ɔdɔhɔ ete, Ke usuŋ ewe ke spirit Jehovah ɔkpɔŋ mi, ebe editiŋ ikɔ inɔ fi?

2 CHRONICLES 25:16

Edikem ke ini enye osuk ɔdɔhɔde ye enye, edidem obup enye, ete, Nte nnyin imenim fi ke andinɔ edidem item? Tre; edinam didie ewot fi? Ndien prophet oro etre, onyuŋ ɔdɔhɔ ete, Mmɔfiɔk nte ke Abasi amaduak ndisobo fi, koro afo anamde emi, ndien mukopke item mi.

EXODUS 10:20

Ndien Jehovah ɔsɔŋ Pharaoh esit, ndien enye iyakke nditɔ Israel eka.

EXODUS 4:21

Jehovah onyuŋ ɔdɔhɔ Moses ete, Ke ini afo afiakde aka ke Egypt, tiŋ enyin ke kpukpru mme utibe ŋkpɔ emi nsinde fi ke ubɔk, nnyuŋ nnam mmɔ ke iso Pharaoh: edi ami nyesɔŋ enye esit, ndien enye idisanake mbon oro iyak.

ISAIAH 3:11

Ifɔnke fɔn inɔ idiɔk owo! ke ɔdiɔk: koro eyenam enye se ubɔk esie anamde.

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

EZEKIEL 14:9

Ndien edieke ebiaŋade prophet oro, ndien enye ɔdɔhɔ ikɔ: edi ami Jehovah ŋkabiaŋa prophet oro, ndien ami nyenyan ubɔk mi ntuk enye, nnyuŋ nsobo enye ke otu ikɔt mi Israel mfep.

NUMBERS 24:13

Edieke Balak edinɔde mi adaŋa silver ye gold nte ɔyɔhɔde ufɔk esie, ndikwe nte mbede uyo Jehovah, ndinam eti ŋkpɔ mme idiɔk eke otode ke esit mi: edi se Jehovah edidɔhɔde, oro ke nditiŋ?

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

JUDGES 9:23

Ndien Abasi ɔdɔŋ idiɔk spirit esin ke ufɔt Abimelech ye mme enyene Shechem; ndien mme enyene Shechem ebiaŋa Abimelech;