1 NDIDEM 22:17 - Edisana ñwed Abasi Ibom

¹⁷ Ndien enye eken ɔdɔhɔ ete, Ŋkokut ofuri Israel, nte esuanade ke ikpɔ obot, nte erɔŋ eke minyeneke ekpeme: ndien Jehovah ɔdɔhɔ ete, Mme mmɔ emi inyeneke ɔbɔŋ: yak kpukpru mmɔ efiak ke ufɔk mmɔ ke ifure.

1 NDIDEM 22:17 ပူးပေါင်းရင်းမြစ်များ

1 NDIDEM 22:16

Ndien edidem ɔdɔhɔ enye, ete, Adaŋa didie ke ami ndiwuk fi, nte okutiŋ ke mibɔhɔke akpanikɔ unɔ mi ke enyiŋ Jehovah?

ISAIAH 13:14

Ndien ama ekem, nte ebet eke ebinede, ye nte erɔŋ eke owo mibonke: kpukpru owo eyekabare eka obio mmɔ, kpukpru owo eyenyuŋ efeŋe eka isɔŋ mmɔ.

JEREMIAH 28:8

mme prophet oro ekebemde mi ye afo iso ke eyo oko, ekenyuŋ etiŋde prophecy enɔ ediwak mme idut ye ikpɔ obio, etiŋ ebaŋa ekɔŋ, ye idiɔk-ŋkpɔ, ye udɔŋɔ.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

EZEKIEL 1:4

Ndien ŋkut, ndien, sese, ofum idio oto ke edem edere edi, akamba obubit enyɔŋ ye ikaŋ eke emineŋde, uyama onyuŋ akan enye okuk, ufɔt-ufɔt esie onyuŋ ebiet enyin edisem okpoho, ke ufɔt ikaŋ oro.

NAHUM 3:18

Mme ekpemerɔŋ fo etie idap-idap, O edidem Assyria: mbɔŋ fo esuhɔre ena: ikɔt fo emesuana ke ikpɔ obot, ndien baba owo kiet eke edibonde mmɔ iduhe.

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

NUMBERS 24:3

Ndien enye emen uyo esie, onyuŋ ɔdɔhɔ ete, Uyo Balaam eyen Beor, uyo owo emi enyin esie etarade:

NUMBERS 24:4

Uyo andikop ikɔ Abasi, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

NUMBERS 27:17

emi edibemde mmɔ iso ɔwɔrɔ, onyuŋ ebemde mmɔ iso oduk, emi edinyuŋ adade mmɔ ɔwɔrɔ, onyuŋ adade mmɔ oduk; man mbio esop Jehovah ekutie nte ufene eke minyeneke andikpeme.

MATTHEW 9:36

Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

MARK 6:34

Ndien Jesus ɔwɔrɔ ke ubom okut akwa otu owo, onyuŋ atua mmɔ mbɔm, koro mmɔ ebietde mme erɔŋ eke minyeneke andikpeme: Enye onyuŋ ɔtɔŋɔ ndikpep mmɔ ediwak ŋkpɔ.

1 SAMUEL 9:9

Ke eyo oko ke Israel, owo ɔdɔhɔ ntem, adaŋemi enye akade ndibup Abasi ŋkpɔ, ete, Edi, nnyin ika ke ɔtɔ owo ŋkukut: koro owo emi ekerede prophet ke emi, akam ekere owo ŋkukut ke eyo oko.