1 NDIDEM 22:13 - Edisana ñwed Abasi Ibom

¹³ Ndien isuŋutom oro akakade ndikot Micaiah edi, ɔdɔhɔ enye, ete, Mbɔk, sese, mme prophet eda inua kiet etiŋ nti ikɔ enɔ edidem: mbɔk, yak ikɔ fo edi nte ikɔ owo mmɔ kiet, nyuŋ tiŋ se ifɔnde.

1 NDIDEM 22:13 ပူးပေါင်းရင်းမြစ်များ

1 NDIDEM 22:12

Ndien kpukpru prophet oro etiŋ prophecy ntem, ete, Dɔk ka ke Ramoth-gilead, nyuŋ kut unen: koro Jehovah eyeda enye esin edidem ke ubɔk.

1 NDIDEM 22:14

Ndien Micaiah ɔdɔhɔ ete, Ma uwem Jehovah, se Jehovah edidɔhɔde mi, oro ke nditiŋ.

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

ŊWED MME PSALM 11:1

MMƆBUƆT idem mi ye Jehovah. Didie ke mbufo edɔhɔ ukpɔŋ mi, ete, Ntarusuŋ, mbufo efe eka ke akwa obot mbufo.

ŊWED MME PSALM 14:1

NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam mbubiam-ŋkpɔ; baba owo kiet eke anamde eti ido iduhe.

ŊWED MME PSALM 50:21

Ntem ke afo akanam, edi ami ndop uyo; afo ese ete ke mbebiet fi: edi nyetɔhɔ ye afo, nnyuŋ mmen (mme idiɔk ido fo) ndiɔŋ nnim ke iso fo.

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.