1 NDIDEM 22:11 - Edisana ñwed Abasi Ibom

¹¹ Zedekiah eyen Chenaanah ama onyuŋ anam nduk ukwak ɔnɔ idem esie; ndien enye ɔdɔhɔ ete, Ntem ke Jehovah ɔdɔhɔ ete, Afo eyeda mme mmɔ emi onuk Syria tutu osobo mmɔ ama.

1 NDIDEM 22:11 ပူးပေါင်းရင်းမြစ်များ

1 NDIDEM 22:12

Ndien kpukpru prophet oro etiŋ prophecy ntem, ete, Dɔk ka ke Ramoth-gilead, nyuŋ kut unen: koro Jehovah eyeda enye esin edidem ke ubɔk.

1 NDIDEM 22:24

Edi Zedekiah eyen Chenaanah asaŋa ekpere okoyibi Micaiah ke mfuk, onyuŋ ɔdɔhɔ ete, Ke usuŋ ewe ke spirit Jehovah ɔkpɔŋ mi, ebe editiŋ ikɔ inɔ fi?

JEREMIAH 23:16

Ntem ke Jehovah mme udim ɔdɔhɔ, ete, Mbufo ekukop ikɔ mme prophet emi etiŋde prophecy enɔ mbufo: mmɔ esin mbufo edama idat: etiŋ ŋkukut eke otode mmɔ ke esit, itoho Jehovah ke inua.

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 23:25

Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

JEREMIAH 23:31

Jehovah ɔdɔhɔ ete, Sese, ami mmɔŋ nnam ikɔ ye mme prophet emi edade edeme mmɔ edɔhɔ, ete, Enye ɔdɔhɔ.

JEREMIAH 27:2

Ntem ke Jehovah ɔdɔhɔ mi, ete; Nam uruk ye ɔkpɔnɔ ke idem fo, ndien kɔŋɔ mmɔ ke itɔŋ fo;

JEREMIAH 29:21

ntem ke Jehovah mme udim, Abasi Israel, ɔdɔhɔ Ahab eyen Kolaiah, ye Zedekiah eyen Maaseiah, emi eketiŋde nsunsu o-prophecy enɔ mbufo ke enyiŋ mi: sese, nyemen mmɔ nsin Nebuchadrezzar edidem Babylon ke ubɔk; ndien enye eyewot mmɔ ke iso mbufo.

DANIEL 8:4

Ŋkut okukim oro ke onuk aka edem usop-utin, ye edere, ye usuk; baba unam kiet eke ekemede ndida enye ke iso inyuŋ iduhe du, baba kiet eke anyaŋade ŋkpɔ osio enye ke ubɔk inyuŋ iduhe; enye onyuŋ anam se enye amade, onyuŋ akabare okpon.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

UTOM MME APOSTLE 21:11

Enye asaŋa edi ke ɔtɔ nnyin, onyuŋ emen mbɔbɔ Paul ɔbɔp idem esie ukot ye ubɔk, ete nnyin, Edisana Spirit ɔdɔhɔ ete, Ntem ke mme Jew emi edude ke Jerusalem edibɔp owo emi enyenede mbɔbɔ emi, enyuŋ eyak enye esin mme Gentile ke ubɔk.

DEUTERONOMY 33:17

Ubɔŋ enyene akpa eyen ayara enaŋ esie, nduk esie enyuŋ ebiet nduk editim: enye ada mmɔ atuak mme idut, ebin mmɔ ɔtɔ kiet ekesin ke utit isɔŋ: ndien mmɔ edi mme tɔsin Ephraim duop, mmɔ enyuŋ edi mme tɔsin Manasseh.

2 ŊWED TIMOTHY 3:8

Nte Jannes ye Jambres ekaŋwanade ye Moses, kpasuk ntre ke mbon emi eŋwana ye akpanikɔ; mmɔ edi owo eke esit mmɔ ama akabiara, mmɔ ewɔrɔ obukpo ke uwem mbuɔtidem.