1 NDIDEM 22:10 - Edisana ñwed Abasi Ibom

¹⁰ Ndien edidem Israel ye Jehoshaphat edidem Judah etie kiet kiet ke ebekpo mmɔ, esine edisine-ŋkpɔ ubɔŋ, ke ntaŋwaŋ ebiet ke inua-otop Samaria: ndien kpukpru prophet oro ke etetiŋ prophecy ke iso mmɔ.

1 NDIDEM 22:10 ပူးပေါင်းရင်းမြစ်များ

1 NDIDEM 18:29

Ekem ke ini ufɔt uwemeyo ama ekebe, mmɔ edama nte idat, tutu oyom ndikem ke ini emi ewade uwa, edi uyo iduhe, baba owo kiet eke eyerede iduhe, baba mkpaŋ-utɔŋ inyuŋ iduhe.

1 NDIDEM 22:30

Ndien edidem Israel ɔdɔhɔ Jehoshaphat, ete, Nyefuk idem mi nduk ke ekɔŋ; edi afo sine ɔfɔŋ-idem ubɔŋ fo. Ndien edidem Israel ofuk idem esie oduk ke ekɔŋ.

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

1 NDIDEM 22:9

Ekem edidem Israel okot adidaha kiet edi, onyuŋ ɔdɔhɔ enye, ete, Wara kada Micaiah eyen Imlah di.

ESTHER 5:1

EDIKEM ke ɔyɔhɔ usen ita, Esther esine edisine-ŋkpɔ ɔbɔŋ-aŋwan, edi edida ke esit okure ufɔk edidem, asak iso ese ufɔk edidem: ndien edidem etie ke ebekpo ubɔŋ esie ke ufɔk edidem, asak iso ese usuŋ ufɔk.

MATTHEW 11:8

Edi ekɔwɔŋɔ eka ndise nso? ndi owo eke esinede eti ɔfɔŋidem? Sese, mme esine eti ɔfɔŋidem edu ke ufɔk mbɔŋ.

MATTHEW 6:20

edi ebon ŋkpɔ-uto enim enɔ idem ke heaven, ke ɔtɔ nte uta-ŋkpɔ ye ŋkarafaŋ mibiatke ŋkpɔ, inɔ minyuŋ ibuŋke, iduk, iyip:

UTOM MME APOSTLE 12:21

Edi ke usen eke enimde, Herod esine ɔfɔŋidem itie-edidem, ɔsuhɔre etie ke ebekpo, etiŋ ikɔ ɔnɔ mmɔ.

UTOM MME APOSTLE 25:23

Ntre ke ndaŋ-nsiere Agrippa ye Bernice esaŋa ubɔŋ-ubɔŋ eka ke ufɔk ikpe, ye etubom mbon-ekɔŋ ye ikpɔ owo obio. Festus onyuŋ ɔnɔ uyo ete eda Paul edi.