1 NDIDEM 21:20 - Edisana ñwed Abasi Ibom

²⁰ Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

1 NDIDEM 21:20 ပူးပေါင်းရင်းမြစ်များ

2 SAMUEL 11:27

Ekem adaŋemi utua-eyet okurede, David ɔdɔŋ ekeda enye edi ke ufɔk esie, ndien enye akabare edi ŋwan esie, onyuŋ aman eyen ɔnɔ enye. Edi ŋkpɔ oro David akanamde ntre ayat Jehovah esit.

1 NDIDEM 16:30

Ahab eyen Omri onyuŋ anam idiɔk ke iso Jehovah akan kpukpru mmɔ oro ekebemde enye iso.

1 NDIDEM 18:17

Edikem ke ini Ahab okutde Elijah, Ahab ɔdɔhɔ enye, ete, Nte edi afo odutuhɔ Israel?

1 NDIDEM 21:25

Edi oruk owo nte Ahab ikoduhe, emi akanyamde idem esie ndinam idiɔk ke iso Jehovah, emi Jezebel ŋwan esie esinde nsɔk.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

2 NDIDEM 17:17

Mmɔ enyuŋ enam nditɔ-iren mmɔ ye nditɔ-iban mmɔ ebe eduk ke ikaŋ, enyuŋ ebre idiɔŋ ye mfa, enyuŋ enyam idem mmɔ ndinam idiɔk ke iso Jehovah, enyuŋ eyat enye esit.

2 NDIDEM 21:2

Enyiŋ eka esie onyuŋ ekere Hephzi-bah. Ndien enye anam idiɔk ke iso Jehovah, ekem ye mbubiam mme idut oro Jehovah okosiode efep ke iso nditɔ Israel.

2 CHRONICLES 18:17

Ndien edidem Israel ɔdɔhɔ Jehoshaphat, ete, Nte ŋkɔdɔhɔke fi, nte ke enye iditiŋke eti prophecy ibaŋa mi, ke mibɔhɔke idiɔk?

2 CHRONICLES 18:7

Ndien edidem Israel ɔdɔhɔ Jehoshaphat, ete, Osuk kaŋa owo kiet eke nnyin ikpedade ibup Jehovah; edi mmasua enye; koro enye akanam mitiŋke eti prophecy ibaŋa mi, edi idiɔk kpukpru ini: enye edi Micaiah eyen Imla. Ndien Jehoshaphat adɔhɔ, ete, Edidem okudɔhɔ ntre.

2 CHRONICLES 33:6

Ndien enye onyuŋ anam nditɔ esie ebe eduk ke ikaŋ ke itihere eyen Hinnom, onyuŋ ebre idiɔŋ enyɔŋ, ye idiɔŋ urukikɔt, onyuŋ onim mme ebre-idiɔŋ ekpo owo, ye mme ɔfiɔk ŋkpɔ owo. Enye awak ndinam idiɔk ke iso Jehovah, onyuŋ ayat enye esit.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

ISAIAH 52:3

Koro ntem ke Jehovah ɔdɔhɔ ete, Ekenyam mbufo ke ikpikpu; ndien ididaha okuk ifak mbufo.

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

EZEKIEL 14:4

Neme ye mmɔ ndien, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Kpukpru owo ufɔk Israel eke edimende ibɔk mmɔ ewuk ke esit mmɔ, enyuŋ edade ŋkpɔ iduɔ idiɔk ido mmɔ enim ke iso mmɔ, ndien edi ke ɔtɔ prophet; ami Jehovah nyebɔrɔ mmɔ ke esit, nte ekemde ye ediwak ibɔk mmɔ;

AMOS 5:10

Mmɔ esua owo eke aduaride owo ke inua-otop, enyuŋ eda owo eke ɔdɔhɔde edinen, ese ke mbubiam.

MARK 12:12

Ndien mmɔ eyom ndimum Enye, edi mmɔ efehe otu owo; koro mmɔ efiɔkde ete, Enye ama otop ŋke emi adian mme imɔ. Mmɔ enyuŋ ekpɔŋ Enye enyɔŋɔ.

ŊWED MBON ROME 7:14

Koro imɔfiɔk ite ibet edi eke spirit; edi ami ndu ke obukidem, nsine ke idak idiɔk-ŋkpɔ.

ŊWED MBON GALATIA 4:16

Nte mmekabare ndi asua mbufo koro nsiande mbufo akpanikɔ?

ŊWED MBON EPHESUS 4:19

sia esit mmɔ odorode ufiɔn, mmɔ eyak idem enɔ mbukpo ido, ndinam mbubiam ido ye okpum.

ERIYARARE 11:10

Ndien mme andiduŋ ke isɔŋ edat esit ebaŋa mmɔ, enyuŋ enam idara, enyuŋ enɔ enɔ esɔk kiet eken, koro mme prophet iba oro ekɔtuhɔrede mme andiduŋ ke isɔŋ.