1 NDIDEM 21:2 - Edisana ñwed Abasi Ibom

² Ndien Ahab eneme ye Naboth, ete, Nɔ mi iŋwaŋ vine fo, man nda enye nnim ke iŋwaŋ-ikɔŋ, koro enye ekperede mben ufɔk mi: ndien nyeda iŋwaŋ-vine eke ɔfɔnde akan enye, nnɔ fi ke ibuot esie; edi ama enem fi, nyenɔ fi okuk ke ekɔm-urua esie.

1 NDIDEM 21:2 ပူးပေါင်းရင်းမြစ်များ

GENESIS 16:6

Ndien Abram ɔdɔhɔ Sarai, ete, Sese ofin aŋwan fo odu fi ke ubɔk, nam ye enye nte afo amade. Ndien Sarai ofik enye, ndien enye efehe ɔkpɔn enye,

GENESIS 3:6

Ekem ŋwan okut nte eto oro ɔfɔnde ke udia, nte onyuŋ eyede ke enyin, nte eto onyuŋ enemde ndise, ndien enye ada mfri esie adia; onyuŋ ɔnɔ ebe esie ŋko, ndien enye adia.

1 NDIDEM 21:3

Ndien Naboth ɔbɔrɔ Ahab ete, Nsa mi O, Jehovah akpan mi ndida udeme mme ete mi nnɔ fi.

1 NDIDEM 21:6

Ndien enye ete ŋwan, Koro ŋkɔdɔhɔde Naboth a Jezreel, nte enye, Nɔ mi iŋwaŋ-vine fo ke okuk; edi edieke afo amade, nyenɔ fi iŋwaŋ-vine efen ke ibuot esie: ndien enye ɔdɔhɔ ete, Ndinɔŋɔ fi ŋwaŋ-vine mi.

2 NDIDEM 9:27

Adaŋoro Ahaziah edidem Judah okutde, enye efehe ke usuŋ ufɔk iŋwaŋ. Ndien Jehu ebine enye, onyuŋ ɔdɔhɔ ete, Mbufo ewot enye ŋko ke chariot esie, ke obot Gur emi ekperede Ibleam; ndien enye efehe aka ke Megiddo, onyuŋ akpa do.

EXODUS 20:17

Kuyom ufɔk mbɔhiduŋ fo; kuyom ŋwan mbɔhiduŋ fo, ye ofin eren esie, ye ofin aŋwan esie, ye enaŋ esie, ye ass esie, ye ŋkpɔ ekededi eke enyenede mbɔhiduŋ fo.

ECCLESIASTES 2:5

Nnam iŋwaŋ-esa, ye mbaha mfri eto nnɔ idem mi, nnyuŋ ntɔ mmɔ kpukpru oruk mfri eto ke esit:

IKWƆ SOLOMON 4:15

ye obube mmɔŋ uwem, ye idim mmɔŋ eke otode ke Lebanon.

JEREMIAH 22:17

Edi enyin fo ye esit fo isehe baba ŋkpɔ kiet ke mibɔhɔke udori fo, ye iyip owo eke miduehe isop, ete iduɔk enye, ke mibɔhɔke utuk ye nnama, ete inam mmɔ.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

DEUTERONOMY 11:10

Koro isɔŋ emi afo akade do ndida enye nnyene, mibietke isɔŋ Egypt, emi afo okotode ke esit, emi afo ɔkɔtɔde mkpasip fo, onyuŋ adade ukot fo ɔnɔ enye mmɔŋ, nte ebresien:

DEUTERONOMY 5:21

Kunyuŋ uyom ŋwan mbɔhiduŋ fo, kunyuŋ usin mbumek ke ufɔk mbɔhiduŋ fo, ke iŋwaŋ esie, ye ke ofin eren esie, ye ke ofin aŋwan esie, ye ke enaŋ esie, ye ke ass esie, ye ke ŋkpɔ ekededi eke enyenede mbɔhiduŋ fo.

1ŊWED TIMOTHY 6:9

Edi mmɔ eke eyomde ndidi mbon inyene eduɔ esine ke idomo ye afia ye ediwak ndisime ye idiɔk udɔŋ, eke edudide owo esuhɔre ke nditaha ye nsobo.

1 SAMUEL 29:6

Ndien Achish okot David edi, onyuŋ ɔdɔhɔ enye, ete, Ma uwem Jehovah, afo emenen; erisaŋa emi afo asaŋade ye ami ɔwɔrɔ, onyuŋ asaŋade ye ami oduk ke nna-ekɔŋ ɔfɔn mi eti-eti: koro mmeŋka-ŋkwe fi idiɔk ido ke idem, toto ke usen oro afo ekedide ke ebiet mi, tutu osim mfin emi: edi mbɔŋ oro isehe fi ke eti owo.

1 SAMUEL 8:14

Eyenyuŋ ada iŋwaŋ mbufo, ye iŋwaŋ vine mbufo, ye mbaha olive mbufo eke efɔnde, enɔ ikɔt esie.

1 SAMUEL 8:6

Edi ikɔ oro inemke Samuel, ke ini mmɔ edɔhɔde ete, Nɔ nnyin edidem eke edikpede ikpe nnyin.