1 NDIDEM 21:14 - Edisana ñwed Abasi Ibom

¹⁴ Ndien mmɔ edɔŋ eketɔt Jezebel, ete, Ema etɔŋɔ Naboth ke itiat ewot.

1 NDIDEM 21:14 ပူးပေါင်းရင်းမြစ်များ

1 NDIDEM 21:13

ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

1 NDIDEM 21:15

Edikem adaŋemi Jezebel okopde ete ke ema eketɔŋɔ Naboth ke itiat ewot, Jezebel ɔdɔhɔ Ahab, ete, Daha ke enyɔŋ, ka da iŋwaŋ-vine Naboth a Jezreel oro enye ekesinde ndinɔ fi ke okuk: koro Naboth miduhe aba uwem, edi amakpa.

2 NDIDEM 10:8

Ekem isuŋutom kiet edi editiŋ ɔnɔ enye, ete, Emeda mbuot nditɔ edidem edi. Ndien enye ɔdɔhɔ ete, Mbufo ekubi mmɔ ke otu iba ke inua-otop, tutu eyo esiere.

ECCLESIASTES 5:8

Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

ECCLESIASTES 8:14

Enyene ikpikpu ŋkpɔ kiet eke enamde ke ererimbot; emi enyenede nti owo eke ŋkpɔ otibede ɔnɔ mmɔ nte ekemde ke ido mme idiɔk owo; ndien enyene mme idiɔk owo eke ŋkpɔ otibede ɔnɔ mmɔ nte ekemde ke ido nti owo: ndɔhɔ nte, emi ŋko onyuŋ edi ikpikpu.