1 NDIDEM 21:13 - Edisana ñwed Abasi Ibom

¹³ ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

1 NDIDEM 21:13 ပူးပေါင်းရင်းမြစ်များ

1 NDIDEM 21:14

Ndien mmɔ edɔŋ eketɔt Jezebel, ete, Ema etɔŋɔ Naboth ke itiat ewot.

2 NDIDEM 6:32

Ndien Elisha etie ke ufɔk esie, mbiowo enyuŋ etie ye enye: ndien edidem osio owo ke iso esie ɔdɔŋ utom: edi ke isuŋ oro mika-isimke enye, sese, enye ɔdɔhɔ mbiowo oro, ete, Mbufo ese nte eyen owot-owo emi ɔdɔŋde, ete edibigi mi ibuot! Mbufo ese: ke ini isuŋ oro edide, mbufo eberi usuŋ, enyuŋ enuk enye ke enyin-usuŋ efep: nte ntim-ikpat ete esie itieneke enye ke edem?

2 NDIDEM 9:26

“Ŋkokut iyip Naboth ye iyip nditɔ esie, mkpɔŋ, edi uyo Jehovah: ndien nyesio usiene ye afo ke iŋwaŋ emi, edi uyo Jehovah”. Men enye, ndien, duɔk ke ŋwaŋ oro, ke uyo Jehovah.

2 CHRONICLES 24:21

Ndien mmɔ eduk odu ebaŋa enye, enyuŋ etɔŋɔ enye ke itiat ke okure ufɔk Jehovah, ke uyo edidem.

ŊWED JOB 1:11

Edi kam nyan ubɔk fo, tuk kpukpru se enye enyenede; enye iditreke ndikpɔŋ fi aŋwa-aŋwa.

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

ŊWED JOB 2:9

Ndien ŋwan esie ɔdɔhɔ enye, ete, Nte afo osuk omum mfɔnmma fo akama?

ŊWED JOB 31:39

Edieke ŋkadiade mbuŋwum esie, ndien mmennɔŋɔ okuk, nnyuŋ nsinde mme andinyene enye eduɔk uwem;

ŊWED MME PSALM 27:12

Kuda mi unɔ se mme asua mi emade: koro mme ntiense nsu ye mmɔ eke efimede afai enamde ikɔ ye ami.

ŊWED MME PSALM 35:11

Mbon afai edaha eda nte ntiense; mmɔ ebup mi ŋkpɔ eke mme mfiɔkke.

EXODUS 20:16

Kutiŋ ubaŋa mbɔhiduŋ fo nte ntiense nsu.

MME ŊKE 19:28

Oburobut ntiense asak ikpe: ndien inua mme idiɔk owo emen idiɔk ido esin ke idibi.

MME ŊKE 19:5

Ikpe iditebeke ntiense nsu, ndien etiŋ nsu idibɔhɔke.

MME ŊKE 19:9

Ikpe iditebeke ntiense nsu: ndien eyesobo etiŋ ikɔ nsu.

MME ŊKE 25:18

Owo eke ɔbɔrɔde ikɔ nsu abaŋa mbɔhiduŋ esie, edi hammer, ye ofut, ye edisɔp idaŋ:

MME ŊKE 6:19

Owo eke oyokde nyok, nte ntiense nsu, ye owo eke edemerede utɔk ke otu nditɔ ete kiet.

ECCLESIASTES 10:20

Kusuŋi edidem ke idem ekikere fo: kunyuŋ usuŋi mbɔŋ ke ubet nna fo: koro inuen enyɔŋ eyeda uyo fo eketiŋ, enyene-mba eyenyuŋ asuan ikɔ.

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

ISAIAH 8:21

Ndien mmɔ eyesaŋa ke esit ebe ke nnanenyin ye biɔŋ: ndien ama ekem ke biɔŋ ɔdɔŋde mmɔ, mmɔ eyeyat esit, enyuŋ esuŋi edidem mmɔ ye Abasi mmɔ, enyuŋ emenere iso mmɔ ke enyɔŋ.

AMOS 7:10

Ndien Amaziah oku ke Bethel ɔdɔŋ ekedɔhɔ Jeroboam edidem Israel, ete, Amos omoduk odu abaŋa fi ke ufɔt Israel; isɔŋ ikemeke ndiyɔ kpukpru ikɔ esie.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 9:3

Ndien sese, ndusuk mme scribe edɔhɔ ke esit mmɔ ete, Owo emi ke osuŋi Abasi.

LUKE 23:2

Mmɔ enyuŋ etɔŋɔ ndidori Enye ikɔ, ete, Nnyin imokut owo emi nte abiatde mbio-obio ibuot, akpan ete ekunɔ Caesar utomo, onyuŋ ɔdɔhɔ ete, Imo ke Idem Imɔ idi Christ Edidem.

JOHN 19:12

Ke ntak emi Pilate oyom ndisana Enye nyak: edi mme Jew efiori ete, Edieke asanade owo emi ayak, udige ufan Caesar; kpukpru owo eke enimde idem ke edidem eŋwana ye Caesar.

UTOM MME APOSTLE 24:5

Koro nnyin imokut ite owo emi edi owo afanikɔŋ; enye edemere nsɔŋ-ibuot ke otu kpukpru mme Jew emi edude ke ofuri ererimbot, onyuŋ edi ebe-iso owo ke otu ŋka emi etienede Jesus eyen Nazareth.

UTOM MME APOSTLE 6:11

Spirit eke enye adade etiŋ ikɔ. Ekem mmɔ eduk odu eteme mme owo edɔhɔ ete, Nnyin ima ikop enye nte etiŋde ikɔ-esuene adian Moses ye Abasi. Mmɔ enyuŋ edemere mbio-obio,

DEUTERONOMY 13:10

Nyuŋ tɔŋɔ enye ke itiat wot: koro enye okoyomde ndinuk fi mfep ŋkpɔŋ Jehovah Abasi fo, emi okosiode fi ke isɔŋ Egypt, ye ke ufɔk ufin efep.

DEUTERONOMY 21:21

Ndien yak kpukpru mbio-obio mmɔ etɔŋɔ enye ke itiat ewot. Ntem ke afo edisio idiɔk ke otu fo efep; ndien ofuri Israel eyekop, enyuŋ edikhe.

DEUTERONOMY 22:21

ndien yak mmɔ eda eyen-aŋwan ewɔŋɔ ke enyin-usuŋ ufɔk ete esie, mbio-obio mmɔ enyuŋ etɔŋɔ enye ke itiat ewot: koro enye ama anam ɔburɔbut ido ke Israel, ke erika owo ke ufɔk ete esie: ntre ke afo edisio idiɔk ido ke otu fo efep.

DEUTERONOMY 22:24

mbufo emum mmɔ mbiba ewɔŋɔ ke inua-otop obio oro eketɔŋɔ mmɔ ke itiat ewot; eyen-aŋwan, koro enye mifiorike ke obio; ye eren oro, koro enye asabarede ŋwan mbɔhiduŋ esie: ntem ke afo edisio idiɔk ido ke otu fo efep.

DEUTERONOMY 5:20

Kunyuŋ ubaŋa mbɔhiduŋ fo nte ntiense nsu.

MME HEBREW 11:37

etɔŋɔ mmɔ ke itiat, eyɔk mmɔ esibe mbio iba, edomo mmɔ, ewot mmɔ ke efut: mmɔ oro esine ikpa-erɔŋ ye ikpa-ebot eduyo;