1 NDIDEM 20:40 - Edisana ñwed Abasi Ibom

⁴⁰ Edikem nte owo fo ananam ŋkpɔ oto mi, aka ko, owo oro ɔbɔhɔ. Ndien edidem Israel ɔdɔhɔ enye, ete, Ntem ke afo emekpe ikpe fo.

1 NDIDEM 20:40 ပူးပေါင်းရင်းမြစ်များ

2 SAMUEL 12:1

EKEM Jehovah ɔdɔŋ Nathan utom ke ɔtɔ David. Ndien enye aka ke ɔtɔ esie ɔkɔdɔhɔ enye, ete, Owo iba edu ke obio kiet; kiet edi ɔbɔŋ, kiet edi ubuene.

2 SAMUEL 14:13

Ndien ŋwan oro ɔdɔhɔ ete, Nsinam afo ekerede ntre abaŋa ikɔt Abasi? Ndien emi edidem ɔdɔhɔde ikɔ emi, enye etie nte owo eke eduede, koro edidem miyakke eyen esie emi ebinde efep, afiak edi.

1 NDIDEM 20:39

Ndien ke ini edidem ebede, enye eseme ɔnɔ edidem, ete, Owo fo oduk ke ufɔt ekoŋ; ndien, sese, owo kiet awaha, ada owo kiet ɔsɔk mi, ete, Kpeme owo emi: edieke owo emi ɔbɔhɔde bɔhɔ, eyekaŋa uwem fo ke ibuot uwem esie, ke mudomoke talent silver kiet unɔ.

1 NDIDEM 20:41

Ndien enye eken awara osio erebin ke ɔkpɔ-iso esie; ndien edidem Israel ɔdiɔŋɔ enye, ete ke enye edi owo mme prophet kiet.

ŊWED JOB 15:6

Inua fo anam ikpe otip fi, idige ami, kpa mkpɔk-inua fo enyuŋ etiŋ ebaŋa fi.

JEREMIAH 48:10

Osuk ɔdɔdiɔk ɔnɔ owo eke edinamde utom Jehovah enyɔŋ-enyɔŋ! onyuŋ osuk ɔdɔdiɔk ɔnɔ owo eke emende ofut esie ke iyip efep!

LUKE 19:22

Ɔbɔŋ ɔdɔhɔ owo oro ete, Nyeda ikɔ-inua fo ŋkpe ikpe nnɔ fi, afo idiɔk owo. Ama ɔfiɔk ete ndi owo nsɔŋ-ido, emi ntaŋde se mmeŋkonimke, nnyuŋ ndɔkde se mme ŋkɔtɔhɔ;