1 NDIDEM 20:34 - Edisana ñwed Abasi Ibom

³⁴ Ndien enye (Benhadad) ɔdɔhɔ enye, ete, Nyeyak mme obio oro ete mi ɔkɔbɔde usɔ; afo eyenyuŋ anam efak ɔnɔ idemfo ke Damascus, kpa nte ete mi akanamde ke Samaria. Ndien enye (Ahab) ɔdɔhɔ ete, Ami ŋko nyediomi ediomi ntem nsana fi nyak Ndien enye odiomi ediomi ye enye, onyuŋ asana enye ayak.

1 NDIDEM 20:34 ပူးပေါင်းရင်းမြစ်များ

1 NDIDEM 15:20

Ndien Benhadad okop uyo edidem Asa, onyuŋ ɔdɔŋ mme etubom mme udim mbon-ekɔŋ emi enye enyenede, utom ete eka ekeŋwana ekɔŋ ye mme obio Israel, onyuŋ asuan Ijon, ye Dan, ye Abel-beth-maacah, ye ofuri Chinneroth, ɔkɔrɔ ye ofuri isɔŋ Naphtali.

1 NDIDEM 20:33

Enye edi eyen-ete mi. Ndien mmɔ ese oro ke mfɔniso, ndien ewara enam enye asian mme oto enye ke esit. Ndien mmɔ edɔhɔ ete, Nte Benhadad edi eyen-usɔ? Ndien enye ɔdɔhɔ, ete, Mbufo eka ekeda enye edi. Ekem Benhadad ɔwɔrɔ etiene enye. Enye (Ahab) onyuŋ emen enye esin ke chariot esie.

1 NDIDEM 20:42

Ndien enye ɔdɔhɔ edidem, ete, Ntem ke Jehovah ɔdɔhɔ ete, koro afo akasanade owo nsobo mi ayak ɔbɔhɔ ke ubɔk, mmɔdo edikaŋade uwem fo ke ibuot uwem esie, ye ikɔt fo ke ibuot ikɔt esie.

1 NDIDEM 22:31

Edi edidem Syria ama eketeme mme etubom mme chariot esie, owo edip ye duopeba, ete, Mbufo ekuŋwana ekɔŋ ye ekpri, ekunyuŋ ŋwana ye akamba, ke mibɔhɔke edidem Israel ikpɔŋ-ikpɔŋ

2 CHRONICLES 16:4

Ndien Ben-hadad okop uyo edidem Asa, onyuŋ ɔdɔŋ mme etubom udim-ekɔŋ esie, ete eka ekɔŋ ye mme obio Israel; ndien mmɔ esuan Ijon, ye Dan, ye Abel-maim, ye kpukpru obio-unim-ŋkpɔ ke Naphtali.

2 CHRONICLES 18:30

Ndien edidem Syria okowuk mme etubom chariot emi edude ye enye, ete, Mbufo ekuŋwana ye ŋkpri, ekunyuŋ eŋwana ye akamba, ke mibɔhɔke edidem Israel ikpɔŋ-ikpɔŋ.

ISAIAH 26:10

Ɔkpɔfɔn ido ye idiɔk owo, enye idikpepke se inende; enye eyenam ukwaŋ-ŋkpɔ ke isɔŋ mmɔ eke enende, idinyuŋ ikwe ubom Jehovah.

ISAIAH 8:12

ete Mbufo ekudɔhɔ, ete, “Odu,” edian kpukpru ŋkpɔ emi mbio-obio emi edɔhɔde ete, “Odu,” edian enye; ekenyuŋ eyak ndik emi anamde mmɔ anam mbufo, ekunyuŋ enyek.

DEUTERONOMY 7:2

ndien adaŋemi Jehovah Abasi fo edidade mmɔ onim ke iso fo; afo onyuŋ akan mmɔ, kutre ndisobo mmɔ; kunam ediomi ye mmɔ, kunyuŋ utua mmɔ mbɔm:

1 SAMUEL 11:1

EKEM Nahash eyen Ammon ɔdɔk aka akanam nna ndiŋwana ekɔŋ ye Jabesh-gilead: ndien kpukpru mbio-obio edɔhɔ Nahash, ete, Nam ediomi ye nnyin, ndien nnyin iyedi ikɔt fo.

1 SAMUEL 15:8

Enye onyuŋ omum Agag edidem Amalek ye uwem, onyuŋ osobo ofuri obio ke iso ofut.

1 SAMUEL 15:9

Ndien Saul ye kpukpru owo eyak Agag, ye ŋkpri ufene, ye enaŋ eke edide nti, ye eke oruk efen, ye nditɔ-erɔŋ, ye kpukpru se ifɔnde, inyuŋ inyimeke ndisobo mmɔ: edi mmɔ esobo kpukpru ufene eke edide mbukkpo ye mfum-mfum.