1 NDIDEM 20:29 - Edisana ñwed Abasi Ibom

²⁹ Ntem ke mmɔ ena kiet ke iso kiet ke usen itiaba, Edikem ke ɔyɔhɔ usen itiaba mmɔ eyi ekɔŋ: ndien nditɔ Israel ewot Syria tɔsin owo ikie emi esaŋade ke ikpat, ke usen kiet.

1 NDIDEM 20:29 ပူးပေါင်းရင်းမြစ်များ

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

ŊWED MME PSALM 10:16

Jehovah edi edidem ke nsinsi nsinsi: emesobo mme idut ke isɔŋ esie efep.

2 CHRONICLES 28:6

Ndien Pekah enyen Remaliah owot tɔsin owo itie ikie ye edip ke Judah, ke usen kiet, kpukpru mmɔ mbon-uko: koro mmɔ ekekpɔŋde Jehovah Abasi mme ete mmɔ.

2 CHRONICLES 13:17

Ndien Abijah ye ikɔt esie ewot mmɔ ata ediwak owo: Israel enyuŋ eduɔŋɔ afai, esim tɔsin edimek owo ikie ition.

2 SAMUEL 10:18

Ndien Syria efeŋe ke iso Israel; David onyuŋ owot mbio chariot Syria ikie itiaba, ye tɔsin mbon horse aba, onyuŋ ɔnɔ Shobach etubom mbon-ekɔŋ esie unan owot do.

1 SAMUEL 17:16

Ntre ke Philistine oro asaŋa ekpere ke usiere ye ke mbubreyo, edida ke ofuri usen aba.

JOSHUA 6:15

Edikem ke ɔyɔhɔ usen itiaba, eyo esiere, mmɔ ebak edaha ke enyɔŋ, ndien ekanade obio ekuk nte ekam esinamde, utim ikatiaba; edi mmɔ ekanade obio ekuk utim ikatiaba ke usen oro.

GENESIS 25:20

Abraham obon Isaac. Isaac onyuŋ osim isua aba ke ini enye ɔdɔde Rebekah, eyen Bethuel, eyen Aram, emi otode ke Paddan-aram, eyen-eka Laban eyen Aram.

1 NDIDEM 20:28

Ekem owo Abasi oro asaŋa ekpere ɔkɔdɔhɔ edidem Israel, ete, Ntem ke Jehovah ɔdɔhɔ ete, Koro mme Syrian ekedɔhɔde, ete, Jehovah edi abasi ikpɔ obot, edi idige abasi mme itihere, nyeda ofuri akamba udim emi nsin fi ke ubɔk; ndien mbufo eyefiɔk, ete ke ami ndi Jehovah.

1 NDIDEM 20:30

Ndien mmɔ emi esuhɔde efeŋe eka Aphek, ekeduk ke obio oro; ndien ibibene ɔduɔ ofuk tɔsin owo edip ye itiaba emi esuhɔde. Benhadad efehe ŋko aka okoduk ke obio ke esit ubet.

2 NDIDEM 13:17

Ndien enye ete, Berere window ke edem usiaha-utin. Ndien edidem eberere. Ndien Elisha ɔdɔhɔ ete, Top. Ndien enye otop. Ndien enye ɔdɔhɔ ete, Idaŋ erinyaŋa Jehovah, ye idaŋ emi edinyaŋade osio ke ubɔk Syria: koro afo eyesuan mme Syrian ke Aphek, tutu ama mmɔ.

2 NDIDEM 13:25

Ndien Jehoash, eyen Jehoahaz, ɔtɔŋɔ ntak ɔbɔ Ben-hadad, eyen Hazael, mme obio oro enye ɔkɔbɔde Jehoahaz ete esie ke ubɔk ke ekɔŋ. Joash akan enye utim ikata, onyuŋ ɔbɔ mme obio Israel.