1 NDIDEM 20:23 - Edisana ñwed Abasi Ibom

²³ Ekem ikɔt edidem Syria edɔhɔ enye, ete, Mme abasi mmɔ edi abasi ikpɔ obot, mmɔdo mmɔ ekesɔŋde ekan nnyin; edi yak nnyin iŋwana ye mmɔ ke una-isɔŋ, ise mme nnyin iyesɔŋ ikan mmɔ,

1 NDIDEM 20:23 ပူးပေါင်းရင်းမြစ်များ

1 NDIDEM 14:23

Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

1 NDIDEM 20:24

Nam ndien ŋkpɔ emi: sio mbɔŋ oro kpukpru ke itie mmɔ fep, nyuŋ sin mme etubom ke itie mmɔ:

1 NDIDEM 20:28

Ekem owo Abasi oro asaŋa ekpere ɔkɔdɔhɔ edidem Israel, ete, Ntem ke Jehovah ɔdɔhɔ ete, Koro mme Syrian ekedɔhɔde, ete, Jehovah edi abasi ikpɔ obot, edi idige abasi mme itihere, nyeda ofuri akamba udim emi nsin fi ke ubɔk; ndien mbufo eyefiɔk, ete ke ami ndi Jehovah.

1 NDIDEM 20:31

Ndien ikɔt esie edɔhɔ enye, ete, Mbɔk, sese, nnyin imokop ite ke ndidem ufɔk Israel edi ndidem mbɔm: mbɔk, yak nnyin ikune ɔfɔŋ ikpo ke isin, inyuŋ ikɔŋɔ uruk ke itɔŋ nnyin, ndien iwɔŋɔ itiene edidem Israel: mme enye eyenim fi uwem.

2 NDIDEM 19:12

Nte mme abasi mme idut oro mme ete mi ekebiatde, ekenyaŋa mmɔ, kpa Gozan, ye Haran, ye Rezeph, ye nditɔ Eden emi edude ke Telassar?

ISAIAH 36:20

Mme anie ke otu kpukpru mme abasi mme idut emi edu eke ekesiode isɔŋ mmɔ ke ubɔk mi, eke Jehovah okposiode Jerusalem ke ubɔk mi?

ISAIAH 42:8

Ami ndi Jehovah; enyiŋ mi edi oro: ndinyuŋ nnɔŋɔ owo efen ubɔŋ mi, nnɔŋɔ ndisɔi mbiet itoro mi.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

1 SAMUEL 4:8

Ɔdiɔk ye nnyin! anie edisio nnyin ke ubɔk mkpɔsɔŋ abasi emi? Mme mmɔ emi edi abasi oro akamiade nditɔ Egypt kpukpru ufen ke wilderness.