1 NDIDEM 20:22 - Edisana ñwed Abasi Ibom

²² Ekem prophet oro aka ke ɔtɔ edidem Israek, ɔkɔdɔhɔ enye, ete, Ka kɔsɔŋ idem fo, nyuŋ fiɔk, nyuŋ kere se afo edinamde: koro edidem Syria eyedɔk edi ekɔŋ ye afo ke ukabare isua.

1 NDIDEM 20:22 ပူးပေါင်းရင်းမြစ်များ

2 SAMUEL 11:1

EDIKEM ke isua akabarede, ekem ke ini emi ndidem ekam ewɔŋɔde eka ekɔŋ, David ɔdɔŋ Joab ye ikɔt esie ŋko, ye ofuri Israel, ekesobo ye nditɔ Ammon, ndien mmɔ ekan Rabbah ekuk. Edi David etie ke Jerusalem.

1 NDIDEM 19:10

Elijah? Ndien enye ɔdɔhɔ ete, Mma mfibe ufup eti-eti nnɔ Jehovah Abasi mme udim: koro nditɔ Israel emekpɔŋ ediomi fo, emewuri mme itie-uwa fo, eme-nyuŋ ewot mme prophet fo ke ofut; ndien ami nsuk ikpɔŋ ke idem mi; ndien mmɔ ke enyuŋ eyom uwem mi ndibɔ.

1 NDIDEM 20:13

Ndien, sese, prophet kiet aka ke ebiet Ahab edidem Israel, ɔkɔdɔhɔ ete, Ntem ke Jehovah ɔdɔhɔ ete, Ŋkɔm afo omokut akwa otu emi. Sese, nyeda mmɔ nsin fi ke ubɔk mfin emi; ndien afo eyefiɔk ete ke ami ndi Jehovah.

1 NDIDEM 20:21

Edikem Israel onyuŋ ɔwɔrɔ aka akasuan mme horse ye mme chariot, onyuŋ owot mme Syrian ata ediwak owo.

1 NDIDEM 20:26

Edikem ke ukabare isua, Benhadad owuk Syria, onyuŋ ɔdɔk aka ke Aphek, ndiŋwana ekɔŋ ye Israel.

1 NDIDEM 20:38

kam tɔ mi. Ndien owo oro ɔtɔ enye, ɔtɔ onyuŋ ɔnɔ enye unan. Ndien prophet oro aka akada ke usuŋ, ebet edidem, onyuŋ oforo owo efen, ɔbɔp eribin ke ɔkpɔ-iso esie.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

2 NDIDEM 6:12

Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

1 CHRONICLES 20:1

EDIKEM ke ini isua akabarede, ke ini ndidem ekam ewɔŋɔde (eka ekɔŋ), Joab ada mbon-ekɔŋ usuŋ akabiat isɔŋ nditɔ Ammon, onyuŋ aka akakan Rabbah okuk. Edi David etie ke Jerusalem. Ndien Joab asuan Rabbah, onyuŋ osobo enye.

2 CHRONICLES 25:11

Ekem Amaziah ɔsɔŋ esit, onyuŋ ada ikɔt esie ɔwɔrɔ aka ke itihere inuŋ, okowot tɔsin nditɔ Seir duop.

2 CHRONICLES 25:8

Edi afo ama aka, nam sɔŋ esit ke ekɔŋ: Abasi eyenam fi ɔduɔ ke iso mme asua: koro Abasi emekeme ndinyaŋa, nnyuŋ mmen nduɔk.

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

MME ŊKE 20:18

Item eyenam uduak osu: da ikike ŋko ŋwana ekɔŋ.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 42:8

Ami ndi Jehovah; enyiŋ mi edi oro: ndinyuŋ nnɔŋɔ owo efen ubɔŋ mi, nnɔŋɔ ndisɔi mbiet itoro mi.

ISAIAH 8:9

Mbufo mme idut edama, ndien enuaha; kpukpru mme anyan idut, ekpaŋ utɔŋ mbufo, ebɔbɔ ŋkpɔ ke idem, ndien enuaha; ebɔbɔ ŋkpɔ, ndien enuaha.

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.