1 NDIDEM 2:7 - Edisana ñwed Abasi Ibom

⁷ Edi fɔn ido ye nditɔ Barzillai-a-Gilead, yak mmɔ enyuŋ edu ke otu mmɔ eke ediade ŋkpɔ ke okpokoro fo; koro ntem ke mmɔ eketiene mi ke ini ŋkefehede mbɔhɔ Absalom eyen-usɔ.

1 NDIDEM 2:7 ပူးပေါင်းရင်းမြစ်များ

GENESIS 40:14

Ndien tim ti mi ŋko ke ini edifɔnde fi, nnyuŋ fɔn ido ye ami mbɔk, nnyuŋ tiŋ baŋa mi nɔ Pharaoh, nyuŋ sio mi ke ufɔk emi:

2 SAMUEL 19:28

Koro ofuri ufɔk ete mi mikedige baba ŋkpɔ kiet ke mibɔhɔke mbon mkpa ke iso ɔbɔŋ mi edidem: ndien afo ekesin owo fo ke otu mme andidia ŋkpɔ ke okpokoro fo. Ami nnyene nso ukeme ndien kaŋa nte ŋkpɔtɔŋɔde ntak nseme nnɔ edidem?

2 SAMUEL 9:10

Afo, ye nditɔ fo, ye ikɔt fo, enyuŋ ediɔŋ isɔŋ enɔ enye, enyuŋ eda esɔk enye, man eyen usɔ enyene udia eke adiade; Mephihosheth eyen usɔ eyenyuŋ adia ŋkpɔ ke okpokoro mi kpukpru ini. Ndien Ziba enyene nditɔ-iren efut ye owo edip.

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

2 NDIDEM 25:29

onyuŋ ɔkpuhɔre enye edisine-ŋkpɔ ufɔk ŋkpɔkɔbi: ndien enye adia ŋkpɔ ke iso esie kpukpru ini, ke ofuri eyo uwem esie.

2 NDIDEM 25:30

Ndien udeme esie edi udeme emi edidem ɔnɔde enye kpukpru ini, kpa se ikemde ke usen, ke ofuri eyo uwem esie.

EZRA 2:61

Ndien nditɔ mme oku: nditɔ Habaiah, nditɔ Hakkoz, nditɔ Barzillai, emi ekedade eyen Barzillai a Gilead aŋwan kiet ɔdɔ, onyuŋ ekere enyiŋ mmɔ:

MME ŊKE 27:10

Kukpɔŋ ufan fo ye ufan usɔ: kunyuŋ uduk ke ufɔk eyen uso ke usen ukut fo: owo eke oduŋde ɔtɔ kiet ɔfɔn akan eyen-ete eke odude nsan-nsan.

JEREMIAH 52:33

onyuŋ ɔkpuhɔre enye edisine-ŋkpɔ ufɔk ukwak; ndien enye adia ŋkpɔ ke iso esie kpukpru usen uwem esie.

LUKE 12:37

Ɔfɔfɔn ɔnɔ mme asaŋutom emi ete mmɔ edidide okut mmɔ etiede ekpeme; ke akpanikɔ ke ndɔhɔ mbufo nte, enye ke idem esie eyefak ɔfɔŋ, anam mmɔ etetie ke okpokoro udia, onyuŋ ada mbet ɔnɔ mmɔ.