1 NDIDEM 2:5 - Edisana ñwed Abasi Ibom

⁵ Afo omonyuŋ ɔfiɔk ŋko se Joab eyen Zeruiah akanamde mi, se enye akanamde mme etubom mbon ekɔŋ Israel mbiba, Abner eyen Ner, ye Amasa eyen Jether, emi enye okowotde, okonyuŋ ɔduɔkde iyip ekɔŋ ke ini emem, onyuŋ ada iyip ekɔŋ eyet mbɔbɔ emi odude enye ke isin, ye ke ikpa ukot emi esinede enye ke ukot.

1 NDIDEM 2:5 ပူးပေါင်းရင်းမြစ်များ

2 SAMUEL 17:25

Ndien Absalom onim Amasa ke etubom mbon-ekɔŋ ke ibuot Joab: ndien Amasa edi eyen owo ekere Ithra, Israelite kiet, emi okokotde Abigail, eyen Nahash aŋwan, eyeneka Zuruiah eka Joab aŋwan.

2 SAMUEL 18:12

Ndien owo oro ɔbɔrɔ Joab, ete, Ami mma ŋkpodomo tɔsin shekel ke eka-ubɔk mi, ŋkpanyanke ubɔk mi ntuk eyen edidem: koro ke utɔŋ nnyin ke edidem okowuk fi, ye Abishai, ye Ittai, ete, Mbufo kpukpru ekpeme eyen oro kpa Absalom.

2 SAMUEL 18:14

Ndien Joab ɔdɔhɔ ete, Ŋkwe nte ndidade ntem ye afo. Ndien enye emen onyim ita ke ubɔk, ada mmɔ okim Absalom ke esit, ke enye odude uwem kaŋa ke ufɔt ofriyo.

2 SAMUEL 18:5

David onyuŋ eteme Joab, ye Abishai, ye Ittai, ete, Mbufo enam suŋ ye eyen emi, kpa Absalom, ebaŋa mi. Kpukpru owo enyuŋ ekop nte edidem etemede kpukpru mme etubom abaŋa Absalom.

2 SAMUEL 2:13

Joab eyen Zeruiah ye ikɔ David enyuŋ ewɔŋɔ, eka ekesobo ye mmɔ ɔtɔ kiet ke mben mkpɔdiɔhɔ-mmɔŋ Gibeon: ndien mmɔ etie do, mme mmɔ emi ke edem mkpɔdiɔhɔ-mmɔŋ emi, ye mmɔ eken ke edem mkpɔdiɔhɔ-mmɔŋ eken.

2 SAMUEL 2:18

Nditɔ Zeruiah ita enyuŋ edu do ŋko, Joab, ye Abishai, ye Asahel: Asahel onyuŋ ɔsɔp ukot nte edop kiet ke otu edop ikɔt.

2 SAMUEL 20:10

Edi Amasa isehe ofut oro odude Joab ke ubɔk: ndien enye (Joab) okim enye ke idibi, osioŋo nsia esie ɔduɔk ke isɔŋ, itɔŋɔke ntak ikim enye; ndien enye akpa. Ndien Joab ye Abishai eyen-ete esie ebine Sheba eyen Bichri.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 SAMUEL 3:39

Ndien ami ndi mfefere mfin emi, okposuk edi nte ekeyetde mi aran enim ke edidem: mbon emi, nditɔ Zeruiaih enyuŋ esɔŋ ekan mi: Jehovah eyesio usiene ye owo eke anamde idiɔk nte ekemde ke idiɔk ido esie.

1 NDIDEM 1:7

Ndien enye eneme nneme ye Joab eyen Zeruiah, ye Abiathar oku, ndien mmɔ etiene Adonijah eŋwam enye.

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

JEREMIAH 2:34

Owo enyuŋ ekut iyip ukpɔŋ mme ubuene eke miduehe, ke ekura fo ŋko. Idige ke eriduŋɔre ke ŋkut mmɔ, edi ŋkut ke kpukpru mme mmɔ emi.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

MATTHEW 3:4

John oro esine edisine-ŋkpɔ eke edade idet camel enam, onyuŋ ɔbɔbɔ mbɔbɔ ikpa-unam ke isin; udia esie onyuŋ edi ŋkukuŋpkɔyɔriyɔ ye aranɔkwɔk-ikɔt.

DEUTERONOMY 27:24

Ɔdɔdiɔk ɔnɔ owo eke ɔtɔde mbɔhiduŋ esie ke ndibe. Ndien yak kpukpru owo edɔhɔ ete, Amen.