1 NDIDEM 2:44 - Edisana ñwed Abasi Ibom

⁴⁴ Ndien edidem onyuŋ ɔdɔhɔ Shimei, ete, Afo ɔmɔfiɔk kpukpru mme idiɔk ido emi esit fo otimde obure, emi afo akanamde David ete mi: Jehovah omonyuŋ ada idiɔk ido fo odori fi ke ibuot.

1 NDIDEM 2:44 ပူးပေါင်းရင်းမြစ်များ

1 NDIDEM 2:43

Nsinam ndien mukonimke uŋwɔŋɔ Jehovah, ye ewuhɔ oro ŋkowukde fi?

2 NDIDEM 11:1

EKEM ke ini Athaliah, eka Ahaziah, okutde ete ke eyen imɔ amakpa, enye adaha ke enyɔŋ osobo ofuri ubon edidem.

2 NDIDEM 11:12

ekan edidem ekuk. Ndien enye ada eyen edidem ɔwɔrɔ, onyuŋ ayara enye anyanya ke ibuot, onyuŋ ɔnɔ enye ŋwed-ibet; ntre ke mmɔ enim enye ke edidem, enyuŋ eyet enye aran; ndien mmɔ ekwak ubɔk, ete, Yak edidem odu uwem.

ŊWED MME PSALM 109:20

Emi edi utip emi Jehovah ɔnɔde mmɔ eke esuade mi, enyuŋ edɔhɔde idiɔk ebaŋa ukpɔŋ mi.

ŊWED MME PSALM 7:16

Ibak esie eyefiak ɔtɔ enye ke ibuot, afai esie eyenyuŋ ɔduɔ enye ke etiŋ-ibuot.

MME ŊKE 5:22

Oburobut ido idiɔk owo eyemum enye, uruk idiɔk-ŋkpɔ esiemɔ eyenyuŋ ɔsɔŋɔ esike enye.

EZEKIEL 17:19

Mmɔdo ntem ke Ɔbɔŋ Jehovah ɔdɔhɔ ete, Ma uwem mi, ŋkɔm edi uŋwɔŋɔ mi ke enye ekesin ke ndek, onyuŋ edi ediomi mi ke enye akabiat; ndien nyeda enye ndori enye ke ibuot.

HOSEA 4:9

Ndien mbio-obio ye oku eyetie ubɔk ŋkpɔ kiet: ndien ami nyenɔ mmɔ ufen usuŋ mmɔ, nnyuŋ nnɔ mmɔ usiene ido mmɔ.

JOHN 8:9

Edi ke ini mmɔ ekopde ibɔrɔ emi, mmɔ ewɔŋɔ kiet kiet, ɔtɔŋɔde ke ebiowo tutu osim ukperedem; ndien eyesuk Jesus ikpɔŋ, ye ŋwan oro ke ɔtɔ nte enye adade ke ufɔt.

ŊWED MBON ROME 2:15

mmɔ eyarare erinim-ibet eke item oro ewetde ke esit mmɔ etemede, esit mmɔ enyuŋ etiene erinnim-ibet oro edi ntiense mmɔ, ekikere mmɔ enyuŋ eneni ye kiet eken, edori mmɔ ikɔ, midige, etebe mmɔ ikpe):

1 JOHN 3:20

koro Abasi okponde akan esit nnyin, onyuŋ ɔfiɔkde kpukpru ŋkpɔ.

1 SAMUEL 25:39

Ndien adaŋemi David okopde ete ke Nabal ama akpa, enye ɔdɔhɔ ete, Etoro Jehovah emi ɔkɔtɔhɔde utɔk ŋkpɔ but mi oro okotode ke ubɔk Nabal, okonyuŋ omumde owo esie, ete enye okunam idiɔk; koro Jehovah anamde idiɔk ido Nabal afiak ɔkɔtɔ enye ke ibuot. Ndien David ɔdɔŋ ekeneme nneme ye Abigail, ete ida enye idɔ.