1 NDIDEM 2:4 - Edisana ñwed Abasi Ibom

⁴ man Jehovah onim uyo esie emi enye ɔkɔdɔhɔde mi, ete, Edieke nditɔ fo ekpemede ikpat isaŋ mmɔ, enyuŋ esaŋa ke iso mi ke akpanikɔ, ke ofuri esit mmɔ, ye ke ofuri ukpɔŋ mmɔ: ete, Owo eke etiede ke ebekpo Israel idinanake fi.

1 NDIDEM 2:4 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

2 SAMUEL 7:25

Mbɔk ndien, O Jehovah Abasi, nam ikɔ oro afo ɔkɔdɔhɔde abaŋa owo fo, ye ufɔk esie, ada ke nsinsi, nyuŋ nam kpa nte afo ɔkɔdɔhɔde.

1 NDIDEM 1:48

Ntem ke edidem onyuŋ ɔdɔhɔ ŋko, ete, Mmɔkɔm Jehovah Abasi Israel, emi ɔnɔde owo eke etiede ke ebekpo mi mfin emi, enyin mi enyuŋ ekut.

1 NDIDEM 11:36

Edi nyeda esien kiet nnɔ eyen esie, kpaŋ David owo mi ekpenyene utuenikaŋ kpukpru ini ke iso mi ke Jerusalem, obio emi ŋkemekde ke idem mi, ndinim enyiŋ mi do.

1 NDIDEM 3:14

Ndien edieke afo edisaŋade ke usuŋ mi, onyuŋ onim mme ewuhɔ mi ye mbet mi, kpa nte David usɔ akasaŋade, nyenam mme usen fo ebigi.

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

1 NDIDEM 6:12

Ama edi ufɔk emi afo ɔbɔpde, afo ama asaŋa ke mme ewuhɔ mi, onyuŋ anam mme item mi, onyuŋ onim ibet mi kpukpru, onyuŋ asaŋa ke esit; ndien nyenam uyo mi oro ŋkodɔhɔde David usɔ,

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

1 NDIDEM 8:25

O Jehovah Abasi Israel, da, ndien, se afo ɔkɔdɔhɔde David owo fo, ete mi, nnim nɔ enye, ete, “Owo fo iditreke nditie ke iso mi ke ebekpo Israel: edieke nditɔ fo edisuk ekpemede usuŋ mmɔ, enyuŋ esaŋade ke iso mi, kpa nte afo akasaŋade ke iso mi”.

1 NDIDEM 9:5

ndien nyenam ebekpo ubɔŋ fo ɔsɔŋ ada ke Israel ke nsinsi, kpa nte ŋkɔdɔhɔde David usɔ, nte, Owo idinanake fi ke ebekpo Israel.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

2 NDIDEM 23:25

Ndien baba edidem kiet eke ebietde enye akanam ibemke enye iso, emi akabarede etiene Jehovah ke ofuri esit esie, ye ke ofuri ukpɔŋ esie, ye ke ofuri odudu esie, nte ofuri ibet Moses eketemede; baba kiet eke ebietde enye akanam inyuŋ itieneke edem idaha ida.

2 NDIDEM 23:3

Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 17:3

Ndien Jehovah ada ye Jehoshaphat, koro enye asaŋade ke akpa usuŋ David ete esie, minyuŋ itieneke Baalim;

2 CHRONICLES 6:16

O Jehovah Abasi Israel, kam da ndien se afo ɔkɔdɔhɔde ye owo fo David, ete mi nim nɔ enye, ete, Idisibeke owo fo ke iso mi ifep ke eritie ke ebekpo Israel: ke nditɔ fo ema ekpeme usuŋ mmɔ, enyuŋ esaŋa ke mbet mi, kpa nte afo akasaŋade ke iso mi.

2 CHRONICLES 7:18

ndien nyenam ebekpo ubɔŋ fo ɔsɔŋ ada, nte emi ŋkodiomide ye David usɔ, nte, Idisibeke owo fo ifep ke erida ubɔŋ Israel.

ŊWED MME PSALM 119:9

Eyenɔwɔŋ ada nso anam usuŋ esiemɔ asana, onyuŋ ekpeme enye nte ikɔ fo asaŋade?

ŊWED MME PSALM 37:22

Koro mmɔ eke enye ɔdiɔŋde eda isɔŋ enyene: edi eyesibe mmɔ eke enye osuŋide efep.

ŊWED MME PSALM 37:9

Koro eyekpok mme idiɔk owo efep: edi mmɔ eke ebetde Jehovah eyeda isɔŋ enyene.

ŊWED MME PSALM 39:1

ŊKƆDƆHƆ nte, Nyekpeme usuŋ mi, man ŋkudue ke edeme mi: nyeda mkpaha ŋkpeme inua mi, ke ini anam-idiɔk osuk odude mi ke iso.

JEREMIAH 33:17

Koro ntem ke Jehovah ɔdɔhɔ ete, Owo David iditreke nditie ke ebekpo ufɔk Israel;

LEVITICUS 26:3

Edieke mbufo edisaŋade ke mme ewuhɔ mi, edinyuŋ enimde mbet mi, enyuŋ enam mmɔ:

ZECHARIAH 14:2

Nyenyuŋ mbon kpukpru mme idut ndi Jerusalem, nte eŋwana ekɔŋ; ndien mmɔ eyeda obio, enyuŋ ebume ufɔk, enyuŋ esabare iban; ndien etaŋ ubak obio enyɔŋɔ nte mbuot-ekɔŋ, ndien idisibeke mbio eke esuhɔde ke obio ifep.

MATTHEW 22:37

Jesus ɔdɔhɔ enye ete, Ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri ekikere fo.

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

DEUTERONOMY 7:12

Ndien ama ekem, koro mbufo edikpaŋde utɔŋ ke mme item emi, enyuŋ enimde, enyuŋ enamde mmɔ Jehovah Abasi fo eyeda ediomi ye ima emi enye ɔkɔŋwɔŋɔde ɔnɔ mme usɔ, ekpeme ɔnɔ fi:

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;