1 NDIDEM 2:37 - Edisana ñwed Abasi Ibom

³⁷ Ama ekem ke usen eke afo ediwɔrɔde ebe idim Kedron, afo eyetim ɔfiɔk ete ke udutreke ndikpa: iyip fo eyedoro idemfo ke ibuot.

1 NDIDEM 2:37 ပူးပေါင်းရင်းမြစ်များ

2 SAMUEL 1:16

David onyuŋ ɔdɔhɔ enye, ete, Iyip fo ɔsɔp idemfo: koro edi inua fo eketiŋ adian fi, ete, Ami ŋwot enye emi Jehovah ekeyetde aran.

2 SAMUEL 15:23

Ofuri obio enyuŋ etua ke ɔkpɔsɔŋ uyo; kpukpru owo enyuŋ esaŋa ebe edidem ŋko ebe ebedeŋ Kidron, kpukpru owo enyuŋ ebe, eka edem wilderness.

1 NDIDEM 15:13

Enye onyuŋ osio Maacah eka esie ke itie ɔbɔŋ aŋwan efep, koro enye akanamde mbiet ɔnɔ Ashtoreth: ndien Asa asai mbiet esie mbai-mbai, onyuŋ ɔfɔp enye ke ebedeŋ Kidron.

1 NDIDEM 2:31

Ndien edidem ɔdɔhɔ enye, ete, Nam nte enye ɔdɔhɔde, wot enye, nyuŋ buk enye; nyuŋ nam iyip oro Joab ɔkɔduɔkde ke ikpikpu akabare ɔkpɔŋ mi, ye ufɔk ete mi.

1 NDIDEM 2:33

Ntem ke iyip mmɔ edifiak odoro Joab ke ibuot, ye ke ibuot ubon esie ke nsinsi: edi David, ye ubon esie, ye ufɔk esie, ye ebekpo esie enyenyene ifure ke nsinsi oto Jehovah.

1 NDIDEM 2:38

Ndien Shimei ɔdɔhɔ edidem, ete, Uyo oro ɔfɔn: owo fo eyenam kpa nte ɔbɔŋ mi edidem ɔdɔhɔde. Ntre ke Shimei oduŋ ke Jerusalem ediwak usen.

2 NDIDEM 23:6

Enye onyuŋ osio mbiet Asherah ke ufɔk Jehovah, ɔwɔrɔ ke edem Jerusalem aka ke ebedeŋ Kidron, ɔkɔfɔp enye ke ebedeŋ Kidron, onyuŋ anuak enye emem, ndien ada ntan esie asuan ke mme udi nditɔ mbio-obio.

2 CHRONICLES 29:16

Ndien mme oku eduk ke esit-esit ufɔk Jehovah, enyuŋ enam enye asana, mmɔ enyuŋ esioŋo kpukpru ndek-ndek ŋkpɔ eke mmɔ ekutde ke temple Jehovah, ekenim ke okure ufɔk Jehovah. Ndien mme Levite ebɔ enye ewɔrɔ eka ke itihere Kidron ke edem obio.

JEREMIAH 31:40

Ndien ofuri ebedeŋ mme okpo ye eke ntɔŋ, ye ofuri ntaŋwaŋ ebiet tutu osim ebedeŋ Kidron, ye inuk inua-otop mme horse, ke edem usiakha-utin, eyedi edisana ebiet Jehovah; ididibekede enye, enye idinyuŋ ibiarake aba ke nsinsi.

EZEKIEL 18:13

eke ɔbuɔtde ŋkpɔ adia usiene akaha, onyuŋ ɔbɔde akwa udori: nte enye eyedu uwem? Enye okudu uwem: enye amanam kpukpru mbubiam emi: iditreke ndikpa; iyip esie eyedoro enye ke idem.

LEVITICUS 20:9

Owo ekededi eke osuŋide ete esie ye eka esie, enyene ndikpa: enye osuŋi ete esie ye eka esie; iyip esie ɔsɔp enye.

JOHN 18:1

KE Jesus ama eketiŋ ikɔ emi, Enye asaŋa ye mbet Esie ɔwɔrɔ ekebe ke ɔwɔwɔ Kidron, okosim ebiet emi iŋwaŋ mfri odude; ndien Enye oduk ke esit ye mbet Esie.

JOSHUA 2:19

Ndien ama ekem, owo ekededi ama oto ke usuŋ ufɔk fo oduk ke efak, iyip esie eyesɔp enye, ndien nnyin iyebɔhɔ: edi ama edi owo ekededi eke odude ye afo ke ufɔk, iyip esie eyesɔp nnyin, edieke ubɔk otukde enye.