1 NDIDEM 2:3 - Edisana ñwed Abasi Ibom

³ nyuŋ kpeme mme ewuhɔ Jehovah Abasi fo, nyuŋ saŋa ke usuŋ esie, nyuŋ kpeme mme ewuhɔ esie, ye mbet esie, ye mme item esie, ye ikɔ ntiense esie, kpa nte emi ewetde ke ŋwed ewuhɔ Moses, man afo ada ɔniɔŋ anam kpukpru se afo anamde, ke kpukpru ebiet eke afo akabarede aka;

1 NDIDEM 2:3 ပူးပေါင်းရင်းမြစ်များ

2 SAMUEL 8:14

Enye onyuŋ onim mbon-ekɔŋ ke itie, ke itie, ke Edom; ke ofuri Edom ke enye onim mbon-ekɔŋ ke itie, ofuri Edom enyuŋ ekabare edi ifin David. Jehovah onyuŋ anyaŋa David ke kpukpru ebiet emi enye akade.

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

2 NDIDEM 18:7

Ndien Jehovah odu ye enye; enye okut unen ke kpukpru ebiet emi enye ɔwɔrɔde: enye onyuŋ ɔsɔŋ ibuot ye edidem Assyria, inyuŋ inamke ŋkpɔ inɔ enye.

1 CHRONICLES 29:19

nyuŋ nɔ Solomon eyen mi esit kiet, man enye onim ibet fo, ye ido fo, ye mme ewuhɔ fo, onyuŋ anam kpukpru, onyuŋ ɔbɔp temple emi ntimde ŋkpɔ mbeŋe.

ŊWED MME PSALM 119:111

Mmada uyo fo nnyene ke nsinsi: koro mmɔ edide idaresit mi.

ŊWED MME PSALM 119:138

Afo omowuk se inende, kpa ikɔ ntiense fo, ye akpanikɔ eti-eti.

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

ŊWED MME PSALM 19:7

Ido Jehovah efɔn ema, edemere ukpɔŋ; item Jehovah edi akpanikɔ, asian mme ɔkɔi.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

LEVITICUS 8:35

Mbufo etie ndien ke enyin-usuŋ efe esop ke ofuri usen itiaba, ke uwemeyo ye ke okoneyo, enyuŋ ekpeme item Jehovah, man mbufo ekukpa: koro ntem ke eketeme mi.

MALACHI 4:4

Mbufo eti mbet Moses owo mi emi ŋketemede enye ke Horeb nnɔ ofuri Israel, kpa mme ewuhɔ ye mme item.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:45

mme mmɔ emi edi ikɔ ntiense, ye mme ewuhɔ, ye mme item, emi Moses eketiŋde ɔnɔ nditɔ Israel, ke mmɔ ema eketo ke Egypt ewɔrɔ;

DEUTERONOMY 4:5

Sese, mma nteme mbufo mme ewuhɔ ye mme item, kpa nte Jehovah Abasi mi eketemede mi, man mbufo enam ntre ke isɔŋ emi mbufo eyomde ndika do ŋkada nnyene.

DEUTERONOMY 4:8

Ndien ewe akamba idut odu emi enyenede edinen ewuhɔ ye item, ebiet ofuri ŋwed mbet emi ami nnimde ke iso mbufo mfin emi?

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

JOSHUA 22:5

Edi mbufo ekpeme ndinim mbet ye mme ewuhɔ emi Moses owo Jehovah eketemede mbufo, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ etim enim mbet esie, enyuŋ eyire ye enye, enyuŋ enam ŋkpɔ esie ke ofuri esit mbufo, ye ke ofuri ukpɔŋ mbufo.

JOSHUA 23:6

Mbufo esɔŋ ubɔk eti-eti, ndien, etim enim kpukpru se ekewetde ke ŋwed ewuhɔ Moses, man mbufo ekuwaha ekpɔŋ enye eka nnasia, mme ufien;

1 SAMUEL 18:14

David onyuŋ okut unen ke kpukpru usuŋ esie; Jehovah onyuŋ odu ye enye.

1 SAMUEL 18:30

Ekem mbɔŋ mme Philistine ewɔŋɔ: ndien edikem adaŋa ini nte mmɔ ewɔŋɔde, David okut unen akan kpukpru ikɔt Saul; mmɔ enyuŋ ekpono enyiŋ esie eti-eti.

1 SAMUEL 18:5

Ndien David ɔwɔrɔ aka kpukpru utom eke Saul ɔdɔŋde enye, ɔdiɔŋ anam ŋkpɔ; ndien Saul onim enye ke etubom mbom-ekɔŋ: ndien kpukpru owo ye ikɔt Saul ema enye.