1 NDIDEM 19:5 - Edisana ñwed Abasi Ibom

⁵ Ekem enye ana ke idak juniper oro ede idap, ndien, se do, angel kiet atuak enye, onyuŋ ɔdɔhɔ enye, ete, Daha ke enyɔŋ dia ŋkpɔ.

1 NDIDEM 19:5 ပူးပေါင်းရင်းမြစ်များ

1 NDIDEM 19:4

Ndien enye ada isaŋ usen kiet oduk ke wilderness, ndien aka eketie ke idak eto juniper kiet: onyuŋ ebeŋe ke idem esie ete ikpa; onyuŋ ɔdɔhɔ ete, Ekem, ndien; O Jehovah, kam bɔ mi uwem: koro mme-mfɔnke ŋkan mme ete mi.

1 NDIDEM 19:6

Ndien enye okut, ndien, sese, obukpa uyo emi ekesaŋde ke ebok-ikaŋ, ye mmɔŋ ke ekpeme ke ena ke ɔtɔ udori-ibuot esie. Ndien enye emen ata, onyuŋ ɔŋwɔŋ, onyuŋ ɔtɔŋɔ ntak ɔsuhɔre ana ke isɔŋ.

ŊWED MME PSALM 34:10

minanake baba ŋkpɔ kiet. Mme lion enana udia, enyuŋ etie biɔŋ: edi mmɔ eke eyomde Jehovah idinanake baba eti ŋkpɔ kiet.

ŊWED MME PSALM 34:7

Angel Jehovah ana akan mmɔ eke ebakde enye okuk, onyuŋ anyaŋa mmɔ.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.

DANIEL 9:21

ke ini ami nsuk ndɔhɔde ke akam mi, Gabriel owo oro ŋkokutde ke ŋkukut mi ke eritɔŋɔ, ɔsɔp efe edi edituk mi ke ini uwa mbubreyo.

ZECHARIAH 4:1

EKEM angel oro ekenemede ye ami ɔtɔŋɔ ntak edi edidemere mi, nte owo eke edemerede enye ke idap.

UTOM MME APOSTLE 12:7

Ndien sese, angel Ɔbɔŋ ada enye ke ŋkaŋ, uŋwana onyuŋ ayama ke ubet oro; enye oro onyuŋ atuak Peter ke ŋkaŋ, edemere enye, ete, Daha ke enyɔŋ iwiwa. Ndien ŋkpɔkɔbi efɔrɔre enye ke ubɔk eduɔ.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.