1 NDIDEM 19:2 - Edisana ñwed Abasi Ibom

² Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

1 NDIDEM 19:2 ပူးပေါင်းရင်းမြစ်များ

2 SAMUEL 19:13

Mbufo enyuŋ edɔhɔ Amasa, ete, Nte afo udige ɔkpɔ mi, ye obukidem mi? Yak Abasi anam ntre ye ami, onyuŋ anam ntre aka iso, edieke afo mududige etubom mbon-ekɔŋ ke iso mi kpukpru ini ke ibuot Joab.

2 SAMUEL 3:9

Yak abasi osuk anam ntre ye Abner, onyuŋ anam ntre aka iso, ke mmendinamke nnɔ David kpa nte Jehovah ɔkɔwɔŋɔde ɔnɔ enye,

1 NDIDEM 2:23

Ndien edidem Solomon otomo Jehovah, ete, Ntem ke Abasi edinam mi, ntem ke onyuŋ anam aka iso, Adonijah mikosuk idɔhɔke ikɔ emi ituk uwem esiemɔ.

1 NDIDEM 2:28

Ekem etop oro edisim Joab: koro Joab etienede Adonijah, edi iketieneke Absalom. Ndien Joab efehe aka ke efe Jehovah, okomum nduk itie-uwa.

1 NDIDEM 20:10

Ndien Ben-hadad ɔdɔŋ ekedɔhɔ enye, ete, Yak mme abasi enam mi ntem, yak enyuŋ enam eka iso, ke ntɔŋ Samaria ama ekem nte kpukpru mmɔ emi esaŋade ye ami ewobide ke eka-ubɔk.

2 NDIDEM 19:22

Afo okosuŋi, okonyuŋ ɔtɔk anie? okonyuŋ emenere uyo fo ke enyɔŋ abaŋa anie? Okonyuŋ emenere enyin fo ke enyɔŋ? ke abaŋa Edisana Abasi Israel.

2 NDIDEM 6:31

Yak Abasi anam mi ntem, onyuŋ anam aka iso, edieke ibuot Elisha eyen Shaphat edisuk adade enye ke idem mfin emi.

EXODUS 10:28

Ndien Pharaoh ɔdɔhɔ enye ete, Daha mi ke usuŋ, kpeme idem fo, kutɔŋɔ ntak ukut mi iso: koro ke usen afo edikutde mi iso, afo eyekpa.

EXODUS 15:9

Usua ɔdɔhɔ ete, Nyebine; nyesim; nyedeme mbume: mmɔ eyeyuhɔ itɔŋ mi; nyesio ofut mi; ubɔk mi eyesobo mmɔ.

MME ŊKE 27:1

KUBURE mbure ubaŋa mkpɔŋ: koro afo mufiɔkke se usen kiet edimande.

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 26:21

ndien ke adaŋemi edidem Jehoiakim, ye kpukpru mbon uko esie, ye kpukpru ikpɔ owo ekopde ikɔ esie, edidem oyom ndiwot enye, edi Uriah okop, ndien efehe ndik, onyuŋ ɔbɔhɔ aka Egypt.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

RUTH 1:17

nyekpa ke ebiet eke afo edikpade, nyeyuŋ mbuhɔ do; yak Jehovah anam mi ntem, onyuŋ ɔdɔdiɔŋ anam ntem, ke midige mkpa mkpa adianare mi ye afo.