1 NDIDEM 19:14 - Edisana ñwed Abasi Ibom

¹⁴ Ndien enye ɔdɔhɔ ete, Mma mfibe ufup eti-eti nnɔ Jehovah Abasi mme udim: koro nditɔ Israel emekpɔŋ ediomi fo, emenyuŋ ewuri mme itie-uwa fo, enyuŋ ewot mme prophet fo ke iso ofut; ndien ami nsuk ikpɔŋ ke idem mi: ndien mmɔ ke eyom uwem mi ndibɔ.

1 NDIDEM 19:14 ပူးပေါင်းရင်းမြစ်များ

1 NDIDEM 18:22

Ndien Elijah ɔdɔhɔ mbon oro, ete Ami nsuk ikpɔŋ prophet Jehovah; ndien mme prophet Baal edi owo ikie inaŋ ye aba ye duop.

1 NDIDEM 18:30

Ndien Elijah ɔdɔhɔ kpukpru owo, ete, Mbufo esaŋa ekpere mi, Ndien kpukpru owo esaŋa ekpere enye. Ndien enye ɔdiɔŋ itie-uwa Jehovah emi okowurede.

ŊWED MME PSALM 78:37

Ndien esit mmɔ isɔŋɔke ida ye enye; mmɔ inyuŋ inamke akpanikɔ ke ediomi esie.

ISAIAH 1:4

Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

ISAIAH 62:1

NDIDOPKE uyo mbaŋa Zion, ndinyuŋ nnaŋa suŋ mbaŋa Jerusalem, tutu edinen ido esie ɔwɔrɔ nte uyama, ye erinyaŋa esie nte utuenikaŋ eke asakde.

JEREMIAH 22:9

Ndien mmɔ eyebɔrɔ, ete, Koro mmɔ ekekpɔŋde ediomi jehovah Abasi mmɔ, ekenyuŋ etuakde ibuot enɔ abasi efen, enyuŋ enam ŋkpɔ enɔ mmɔ.

DANIEL 11:30

Ndien mme ubom mbakara Kittim eyedi ekɔŋ ye enye: ndien esit eyeduɔ enye, enye eyenyuŋ afiak onyuŋ akpaha esit abaŋa edisana ediomi: ntre ke enye edinam: enye eyefiak onyuŋ onim ibuot esie abaŋa mmɔ emi ekpɔŋde edisana ediomi.

DANIEL 3:18

Ndien midige ntre, fiɔk, O edidem, ete ke nnyin ikwe nte inamde ŋkpɔ abasi fo, inyuŋ ikwe nte ituakde ibuot inɔ owo o-gold emi afo okonimde.

HOSEA 6:7

Ndien mmɔ ebiet owo, ke ebiat ediomi: do ke mmɔ ekebiaŋa mi.

ŊWED MBON ROME 11:3

Ɔbɔŋ, mmɔ emowot mme prophet Fo, enyuŋ ewuri mme itie uwa Fo: ami ikpɔŋ nsuhɔ, mmɔ ke enyuŋ eyom ndibɔ uwem mi.

DEUTERONOMY 29:25

Ndien mmɔ eyedɔhɔ ete, Koro mmɔ ekekpɔŋde ediomi Jehovah Abasi mme ete mmɔ, emi enye akanamde ye mmɔ ke ini enye okosiode mmɔ ke isɔŋ Egypt efep:

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

MME HEBREW 8:9

Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.