1 NDIDEM 19:11 - Edisana ñwed Abasi Ibom

¹¹ Ndien enye ɔdɔhɔ ete, Wɔrɔ, kada ke obot ke iso Jehovah. Ndien, sese, Jehovah ke ebe, ndien akamba ye ɔkpɔsɔŋ oyobio asiak ikpɔ obot, onyuŋ anuak mme itiat ke iso Jehovah; edi Jehovah iduhe ke oyobio. Ndien ke oyobio ama ekebe, isɔŋ enyek; edi Jehovah iduhe ke unyek-isɔŋ.

1 NDIDEM 19:11 ပူးပေါင်းရင်းမြစ်များ

ŊWED JOB 38:1

NDIEN Jehovah etie ke oyobio ɔbɔrɔ Job, ete,

ŊWED MME PSALM 50:3

Abasi nnyin eyedi, idinyuŋ idopke uyo: ikaŋ eyebem enye iso ata, oyobio onyuŋ ofime ɔkpɔsɔŋ akan enye okuk.

ŊWED MME PSALM 68:8

Isɔŋ enyek, ikpa-enyɔŋ ŋko ɔtɔi ke iso Abasi: Sinai oro (enyek) ke iso Abasi, Abasi Israel.

ŊWED MME PSALM 68:9

Afo Abasi anam edim enɔ-ima edep: ama edi udeme fo, ke ini enye ɔkpɔtde, afo ɔsɔŋ enye idem.

EXODUS 19:16

Edikem ke ɔyɔhɔ usen ita, ke ini eyo esierede, uyom enyɔŋ ye obuma edu, idiɔk enyɔŋ onyuŋ ofuk obot, uyom ukorowo onyuŋ ɔsɔŋ eti-eti; ndien kpukpru owo eke edude ke nna enyek idem.

EXODUS 19:20

Ekem Jehovah ɔsuhɔre ke obot Sinai, ke enyɔŋ obot; ndien Jehovah okot Moses edi ke ibuot obot; ndien Moses ɔdɔk.

EXODUS 20:18

Ndien kpukpru owo ekut uyom enyɔŋ; ye obuma, ye uyom ukorowo, ye nte obot ɔwɔrɔde nsuŋikaŋ: ndien adaŋemi kpukpru owo ekutde, mmɔ efiak edem, ekeda nsan-nsan.

EXODUS 24:12

Ndien Jehovah ɔdɔhɔ Moses, ete, Dɔk tiene mi ke obot, nyuŋ du do: ndien nyenɔ fi itiat ŋwed, ye mbet, ye ewuhɔ emi ŋwetde, nditeme mmɔ.

EXODUS 24:18

Ndien Moses okoduk ke ufɔt obubit enyɔŋ, ɔdɔk obot; Moses onyuŋ odu ke obot oro ke uwemeyo aba ye okoneyo aba.

EXODUS 34:2

Nyuŋ tim ŋkpɔ beŋe usenubɔk, ndien dɔk ke obot Sinai ke usenubɔk, da do ye ami ke enyɔŋ obot.

EXODUS 34:6

Ndien Jehovah ɔbiɔŋɔ enye ke iso, ataŋa ete, Jehovah, Jehovah, Abasi mbɔm, ye mfɔn, ye anyan ime,

ISAIAH 30:30

Ndien Jehovah eyenam ekop ubom uyo esiemɔ, onyuŋ owut mmɔ iduɔ ubɔk esie, ke ifuresit ye ikpahesit ye edemikaŋ eke atade, ke oyobio, ye edim, ye edim itiat.

EZEKIEL 1:4

Ndien ŋkut, ndien, sese, ofum idio oto ke edem edere edi, akamba obubit enyɔŋ ye ikaŋ eke emineŋde, uyama onyuŋ akan enye okuk, ufɔt-ufɔt esie onyuŋ ebiet enyin edisem okpoho, ke ufɔt ikaŋ oro.

EZEKIEL 37:7

Ntre ke ami ntiŋ prophecy kpa nte eketemede mi. Ndien uyom otibe ke ini ntiŋde prophecy, ndien, sese, erinyek, ndien mme ɔkpɔ esaŋa ekpere kiet eken, ɔkpɔ adiana ɔkpɔ.

NAHUM 1:3

Jehovah isɔpke iyaresit, enye onyuŋ okpon odudu, edi enye idiyakke mme edue-isop ebɔhɔ: usuŋ Jehovah odu ke idio ye ke oyobio, obubit enyɔŋ onyuŋ edi obu ukot esie.

ZECHARIAH 14:5

Ndien mbufo eyefeŋe ekeduk ke itihere ikpɔ obot mi: koro itihere ikpɔ obot eyetuak ke Azel: ndien mbufo eyefeŋe kpa nte ekefeŋede ebak unyek-isɔŋ ke eyo Uzziah edidem Judah: ndien Jehovah Abasi mi ke edi: kpukpru edisana ikɔt fo eyenyuŋ etiene fi edi.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

MATTHEW 24:7

Koro idut eyedaha aŋwana ye idut, obio edidem kiet enyeyuŋ adaha aŋwana ye obio edidem efen: akaŋ ye unyek-isɔŋ eyenyuŋ edu ke nsio-nsio ebiet.

MATTHEW 28:2

Ndien sese, akwa unyek -isɔŋ odu: koro angel Jehovah okoto ke Heaven ɔsuhɔre edi edikpat itiat osio, onyuŋ etie ke esit.

MME HEBREW 12:26

Uyo Esie ekenyeŋe isɔŋ adaŋoro; edi ke emi Enye ɔŋwɔŋɔ ete, Osuk kaŋa esisit, ndien Ami nyenyeŋe isɔŋ ye enyɔŋ ŋko.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

ERIYARARE 16:18

Ndien emireŋ-mireŋ ye mme uyo, ye obuma etibe, akamba unyek-isɔŋ onyuŋ odu, ke utɔ ido nte akanam miduhe tɔŋɔ ini owo ekedude ke isɔŋ.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

1 SAMUEL 14:15

Ndien nna-ekɔŋ, ye isɔŋ, ye kpukpru owo enyek, mbon-ukpeme ye mbon-uŋwo enyuŋ enyek ŋko, isɔŋ onyuŋ enyek: ndien akabare edi ata akwa nnyekisɔŋ.