1 NDIDEM 18:4 - Edisana ñwed Abasi Ibom

⁴ koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 18:4 ပူးပေါင်းရင်းမြစ်များ

1 NDIDEM 13:16

Edi enye ɔbɔrɔ, ete, Ndikwe nte nsaŋade ye afo mfiak ŋkoduk ke ɔtɔ fo: ndinyuŋ ndiaha ŋkpɔ, nnyuŋ ŋŋwɔŋke mmɔŋ ye afo ke ebiet emi:

1 NDIDEM 17:11

Ndien nte ŋwan akade ndida ndi, enye (Elijah) okot enye, ete, Mbɔk da uyo esisit ke ubɔk fo di sɔk mi.

1 NDIDEM 18:13

Nte iketiŋkde inɔ ɔbɔŋ mi se ŋkanamde ke ini Jezebel okowotde mme prophet Jehovah, nte ŋkadade mme prophet Jehovah ndip owo ikie, aba ye duop, aba ye duop, ke aba itiat, nnyuŋ mbɔk mmɔ ke uyo ye mmɔŋ?

1 NDIDEM 18:5

Ndien Ahab ɔdɔhɔ Obadiah, ete, Saŋa ke isɔŋ, ka ke kpukpru obube mmɔŋ, kpukpru idim: mme nnyin iyekut mbiet, inyuŋ inim mme horse ye mme mule ke uwem, man ufene nnyin okusobo ama.

2 NDIDEM 6:32

Ndien Elisha etie ke ufɔk esie, mbiowo enyuŋ etie ye enye: ndien edidem osio owo ke iso esie ɔdɔŋ utom: edi ke isuŋ oro mika-isimke enye, sese, enye ɔdɔhɔ mbiowo oro, ete, Mbufo ese nte eyen owot-owo emi ɔdɔŋde, ete edibigi mi ibuot! Mbufo ese: ke ini isuŋ oro edide, mbufo eberi usuŋ, enyuŋ enuk enye ke enyin-usuŋ efep: nte ntim-ikpat ete esie itieneke enye ke edem?

2 NDIDEM 9:7

Wot ndien ufɔk Ahab usɔ, man nsio usiene iyip ikɔt mi mme prophet, ye iytip kpukpru ikɔt Jehovah, ke ubɔk Jezebel.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

ISAIAH 16:3

“Da item di, biere ikɔ; nam mfut fo etie nte okoneyo ke ufɔt uwemeyo; dip mmɔ eke owo ebinde mmɔ efep, kuyarare mbon itɔk.

JEREMIAH 26:24

Edi ubɔk Ahikam eyen Shaphan ada ye Jeremiah, ete ekusin enye ke ubɔk mbio-obio, ete ekewot enye.

JEREMIAH 36:19

Ndien mbɔŋ oro edɔhɔ Baruch, ete, Ka kodibe, afo ye Jeremiah; mbufo ekunyuŋ eyak owo baba kiet ɔfiɔk ebiet eke mbufo edude.

MATTHEW 21:35

Ndien mme ekpeme-iŋwaŋ emum mme isuŋutom esie, emia kiet, enyuŋ ewot efen, enyuŋ etɔŋɔ efen ke itiat.

MATTHEW 25:35

Koro Ami ŋkokopde biɔŋ, ndien mbufo enɔ Mi udia; itɔŋ akasat Mi, ndien mbufo enɔ Mi mmɔŋ; ŋkedi esen, ndien mbufo eda Mi eka ufɔk;

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MME HEBREW 11:38

mmɔ enana ŋkpɔ, ekut ukut, ebɔ ndutuhɔ (edi ererimbot idotke mmɔ); mmɔ esaŋa eyo ke desert ye obot, ye obube, ye aba itiat isɔŋ.