1 NDIDEM 18:29 - Edisana ñwed Abasi Ibom

²⁹ Ekem ke ini ufɔt uwemeyo ama ekebe, mmɔ edama nte idat, tutu oyom ndikem ke ini emi ewade uwa, edi uyo iduhe, baba owo kiet eke eyerede iduhe, baba mkpaŋ-utɔŋ inyuŋ iduhe.

1 NDIDEM 18:29 ပူးပေါင်းရင်းမြစ်များ

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

1 NDIDEM 18:36

Edikem ke ini emi ekam ewade uwa, prophet Elijah asaŋa ekpere, onyuŋ ɔdɔhɔ ete, O Jehovah Abasi Abraham, ye eke Isaac, ye eke Israel, ke ami nnyuŋ ndi owo fo, ke nnyuŋ nnam kpukpru ŋkpɔ emi ke uyo fo.

1 NDIDEM 22:10

Ndien edidem Israel ye Jehoshaphat edidem Judah etie kiet kiet ke ebekpo mmɔ, esine edisine-ŋkpɔ ubɔŋ, ke ntaŋwaŋ ebiet ke inua-otop Samaria: ndien kpukpru prophet oro ke etetiŋ prophecy ke iso mmɔ.

1 NDIDEM 22:12

Ndien kpukpru prophet oro etiŋ prophecy ntem, ete, Dɔk ka ke Ramoth-gilead, nyuŋ kut unen: koro Jehovah eyeda enye esin edidem ke ubɔk.

ŊWED MME PSALM 115:4

Mme abasi mmɔ edi silver ye gold, kpa ŋkpɔ eke ubɔk owo anamde.

ŊWED MME PSALM 141:2

Yak akam mi ada ke iso fo nte incense; yak umenere ubɔk mi etie nte uwa mbubreyo.

EXODUS 29:39

Wa eyen erɔŋ kiet ke usenubɔk, nyuŋ wa eyen erɔŋ eken ke mbubreyo.

EXODUS 29:41

Nyuŋ wa eyen erɔŋ eken ke mbubreyo, nam enye nte enamde inuak-udia usenubɔk, ye ediŋwɔŋ uwa esie, ke edinem utebe, ke uwa ikaŋ Jehovah.

EXODUS 8:14

Ndien etaŋ mmɔ ekubi otu; ndien isɔŋ etebe.

ISAIAH 16:12

Ndien ama ekem ke ini Moab owutde idem esie, onyuŋ anamde ŋkpɔ ɔkpɔt ke edikoŋ ebiet esie, ndien enye eyeduk ke edisana ebiet esie ndibɔŋ akam; edi idikwe ŋkpɔ.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

DANIEL 9:21

ke ini ami nsuk ndɔhɔde ke akam mi, Gabriel owo oro ŋkokutde ke ŋkukut mi ke eritɔŋɔ, ɔsɔp efe edi edituk mi ke ini uwa mbubreyo.

ŊWED MBON GALATIA 4:8

Edi adaŋoro, sia mbufo mikɔfiɔkke Abasi, mbufo ekeduk ufin enɔ se midige Abasi ke uduot mmɔ;

1 SAMUEL 10:5

Oro ama ebe afo eyesim ke obot Abasi, emi mbon-ukpeme mme Philistine edude do: ama ekem, adaŋemi afo edisimde do ke obio, eyesim udim prophet eke etode ke edikoŋ ebiet esuhɔre, psaltery, ye ekɔmɔ, ye obukpoŋ, ye harp enyuŋ ebem mmɔ iso; ndien mmɔ eyenam prophecy:

1 SAMUEL 18:10

Edikem ke usen efen, idiɔk spirit Abasi oduk Saul ke idem, ndien enye adama ke ufɔk: ndien David ebre harp ke ubɔk esie, nte enye akam esinamde: eduat onyuŋ odu Saul ke ubɔk.