1 NDIDEM 18:27 - Edisana ñwed Abasi Ibom

²⁷ Edikem ke ufɔt uwemeyo, ndien Elijah abiaŋa mmɔ, onyuŋ ɔdɔhɔ, ete, Mbufo esɔŋ uyo ekot: koro enye edide abasi; koro enye etiede ekere: koro enye awahade aka ŋkpɔ koro enye adade isaŋ; mme enye ede idap, ndien enyene nditatuak enye.

1 NDIDEM 18:27 ပူးပေါင်းရင်းမြစ်များ

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

1 NDIDEM 18:28

Ndien mmɔ emenere uyo efiori, enyuŋ eda ikwa ye akaraŋ ekpi idem mmɔ nte ekam enamde, tutu iyip eyere mmɔ ke idem.

1 NDIDEM 22:15

Ekem enye osim edidem Ndien edidem ɔdɔhɔ enye, ete, Micaiah, nte nnyin ika ekɔŋ ke Ramoth Gilead, mme itre ndika? Ndien enye ɔbɔrɔ enye, ete, Dɔk; nyuŋ kut unen: ndien Jehovah eyeda enye esin edidem ke ubɔk.

2 CHRONICLES 25:8

Edi afo ama aka, nam sɔŋ esit ke ekɔŋ: Abasi eyenam fi ɔduɔ ke iso mme asua: koro Abasi emekeme ndinyaŋa, nnyuŋ mmen nduɔk.

ŊWED MME PSALM 121:4

Sese, andikpeme Israel idiyetke idap idinyuŋ idehe.

ŊWED MME PSALM 39:3

Esit mi ofiop mi ke idem, ke ntiede ŋkere ikaŋ obubere asak: ndɔhɔ ke edeme mi, nte,

ŊWED MME PSALM 44:23

O Ɔbɔŋ, men idem, nsinam afo edede idap? Demere, kuduɔk nnyin ke nsinsi.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ISAIAH 41:23

Mbufo etiŋ se ididide ke ukperedem, ndien nnyin iyefiɔk ite ke mbufo edi Abasi: enam eti ŋko enyuŋ enam idiɔk, ndien nnyin iyese kiet eken, inyuŋ ikut ini kiet.

ISAIAH 51:9

Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

EZEKIEL 20:39

Ndien ama edi mbufo, ufɔk Israel, ntem ke Ɔbɔŋ Jehovah ɔdɔhɔ, ete, Mbufo kpukpru eka ekenam ŋkpɔ mme ibɔk mbufo ye ke ini iso, ke baba owo mbufo kiet mikopke uyo mi: mbufo ekunyuŋ esabare aba edisana enyiŋ mi ke enɔ mbufo, ye ibɔk mbufo.

MATTHEW 26:45

Ekem Enye asaŋa ekpere mbet Esie, ete, Edɔdiɔŋ ede idap, eda nduɔkodudu: sese, ini ke ekpere; emonyuŋ eda Eyen Owo esin mme idiɔk owo ke ubɔk.

MARK 14:41

Ekem Enye edi ɔyɔhɔ utim ikata, ɔdɔhɔ mmɔ ete, Edɔdiɔŋ ede idap ndien, enyuŋ eda nduɔk-odudu. Ekem adaŋoro; ini oro ama edi; ema eda Eyen Owo esin mme idiɔk owo ke ubɔk.

MARK 7:9

Enye onyuŋ ɔdɔhɔ mmɔ ete, mbufo etim esin ibet Abasi, man mbufo enim item mbufo.