1 NDIDEM 18:26 - Edisana ñwed Abasi Ibom

²⁶ Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

1 NDIDEM 18:26 ပူးပေါင်းရင်းမြစ်များ

1 NDIDEM 18:24

ndien mbufo ekot enyiŋ abasi mbufo, ndien ami nyekot enyiŋ Jehovah; ndien yak Abasi emi edidade ikaŋ ɔbɔrɔ edi Abasi. Ndien kpukpru owo edɔhɔ ete, ikɔ oro ɔfɔn.

1 NDIDEM 18:25

Ekem Elijah ɔdɔhɔ mme prophet Baal, ete, Mbufo emek enaŋ kiet ke idem mbufo, enyuŋ ebem iso ediɔŋ enye; koro mbufo ewakde; ndien ekot enyiŋ abasi mbufo, edi ekusin ikaŋ.

1 NDIDEM 18:27

Edikem ke ufɔt uwemeyo, ndien Elijah abiaŋa mmɔ, onyuŋ ɔdɔhɔ, ete, Mbufo esɔŋ uyo ekot: koro enye edide abasi; koro enye etiede ekere: koro enye awahade aka ŋkpɔ koro enye adade isaŋ; mme enye ede idap, ndien enyene nditatuak enye.

EXODUS 8:14

Ndien etaŋ mmɔ ekubi otu; ndien isɔŋ etebe.

ISAIAH 37:38

Edikem ke ini enye ɔbɔbɔŋ akam ke ufɔk Nisroch abasi esie, Adrammelech ye Sharezer, nditɔ esie, ewot enye ke ofut; ndien mmɔ ebɔhɔ eka ke edem Ararat; ndien Esarhaddon eyen esie ada ubɔŋ ke itie esie.

ISAIAH 44:17

Ndien enye ada ubak eke ɔsuhɔde anam abasi, edisɔi mbiet esie; eyenuhɔ ɔnɔ enye, onyuŋ owuk ubɔk, onyuŋ ɔbɔŋ akam ɔnɔ enye, onyuŋ ɔdɔhɔ, ete, Nyaŋa mi: koro afo edide abasi mi.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

JONAH 1:5

Ndien mbon ubom efehe ndik, kpukpru mmɔ enyuŋ efiori ekot abasi mmɔ, enyuŋ esioŋo ŋkpɔ eke edude ke ubom eduɔŋɔ ke inyaŋ, man ebiomore mmɔ enam ubom efere. Ndien Jonah ama ɔsuhɔre ke esit ubom, onyuŋ ana ede ɔkpɔsɔŋ idap.

HABAKKUK 2:18

Edisɔi mbiet odoro owo nso udori koro andibot enye ɔsiɔide enye? Editara mbiet ye andikpep nsu edoro owo nso udori, koro andibot ŋkpɔ-usɔ esie ɔbuɔtde idem ke esit, onyuŋ anamde ŋkpɔ eke edide ikpikpu ye imum?

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;

ZEPHANIAH 1:9

Nyenyuŋ nda ufen nnɔ kpukpru owo eke efrɔde ke asaŋudɔk ke usen oro, eke edade afai ye abiaŋa eyɔhɔ ke ufɔk mme ete mmɔ.

MATTHEW 6:7

Ndien ke ini ebɔŋde akam, ekuyire nditetiŋ ikpikpu ikɔ, nte mme Gentile enamde: koro etie mmɔ nte erikop akam oto ke uwak ikɔ eke etiŋde.

1 ŊWED CORINTH 12:2

Mbufo emɔfiɔk ete, ke ini mbufo ekedide mme okpono-ndem, nyoŋ-esit ke adada mbufo oduyo ebine ndem emi edide imum.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

1 SAMUEL 5:3

Ndien mbio-obio Ashdod ebak edemere ke eyo esierede, ndien, sese, Dagon ana okubi iso ke isɔŋ ke iso ekebe Jehovah.