1 NDIDEM 18:19 - Edisana ñwed Abasi Ibom

¹⁹ Kam dɔŋ ekebon ofuri Israel enɔ mi ke obot Carmel, ye mme prophet Baal ikie inaŋ ye aba ye duop, ye mme prophet Asherah owo ikie inaŋ emi ediade ŋkpɔ ke okpokoro Jezebel.

1 NDIDEM 18:19 ပူးပေါင်းရင်းမြစ်များ

1 NDIDEM 15:13

Enye onyuŋ osio Maacah eka esie ke itie ɔbɔŋ aŋwan efep, koro enye akanamde mbiet ɔnɔ Ashtoreth: ndien Asa asai mbiet esie mbai-mbai, onyuŋ ɔfɔp enye ke ebedeŋ Kidron.

1 NDIDEM 16:33

Ahab onyuŋ anam eto-mkpe; Ahab onyuŋ ɔdɔdiɔŋ anam se iyatde Jehovah Abasi Israel esit, akan kpukpru ndidem Israel oro ekebemde enye iso.

1 NDIDEM 18:20

Ndien Ahab ɔdɔŋ ekekot kpukpru nditɔ Israel edi, onyuŋ obon kpukpru mme prophet oro ke obot Carmel.

1 NDIDEM 18:22

Ndien Elijah ɔdɔhɔ mbon oro, ete Ami nsuk ikpɔŋ prophet Jehovah; ndien mme prophet Baal edi owo ikie inaŋ ye aba ye duop.

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

2 NDIDEM 10:19

Mbufo ekot, ndien, kpukpru mme prophet Baal, kpukpru ikɔt esie, ye kpukpru oku esie, enɔ mi; baba owo kiet okutre ndidi: koro nnyenede ndiwa akamba uwa nnɔ Baal; owo eke etrede ndidi ididuhe uwem. Edi Jehu anam ke ŋkari, man enye osobo ikɔt Baal.

2 NDIDEM 13:6

Edi mmɔ ikabakede ikpɔŋ mme idiɔk ido ufɔk Jeroboam, emi akanamde Israel ekabare ediɔk, edi esaŋa ke esit: eto-mkpe onyuŋ osuk ada ke Samaria.)

2 NDIDEM 2:25

Ndien enye oto do aka ke obot Carmel, onyuŋ oto do aka ke Samaria.

2 NDIDEM 3:13

Ndien Elisha ɔdɔhɔ edidem Israel, ete, Nsaŋa nso ye afo? Tiene mme prophet usɔ, ye mme prophet uka. Ndien edidem Israel ɔdɔhɔ enye, ete, Ih ih: koro Jehovah ama okot ndidem ita emi edi, ete ida mmɔ isin ke ubɔk Moab.

2 NDIDEM 9:22

Edikem ke ini Jehoram okutde Jehu, enye obup ete, Nte edi emem, Jehu? Ndien enye ɔbɔrɔ ete, Nso emem, adaŋa ini nte use Jezebel uka, ye ediwak idiɔŋ esie ebigide?

NEHEMIAH 5:17

Ndien mme Jew, ye mme ebiere-ikpe, owo ikie ye aba ye duop, ye mmɔ emi etode ke mme idut eke ekande nnyin ekuk, etiene nnyin, etie ke okpokoro mi.

IKWƆ SOLOMON 7:6

O ima mi, afo eye didie, onyuŋ enem didie ke ŋkpɔ idaresit!

JEREMIAH 23:13

Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

AMOS 1:2

Ndien enye ɔdɔhɔ ete, Jehovah etie ke Zion ofiori, onyuŋ etie ke Jerusalem okuni: ndien mbiet mme ekpeme-ufene etuaŋa, ibuot Carmel onyuŋ asat.

AMOS 9:3

Ekpenyuŋ edibe ke ibuot Carmel, nyeyom mmɔ, nnyuŋ nsio mmɔ do; ekpedibe mi ke enyin ke idem isɔŋ akamba mmɔŋ, ŋkpowuk urukikɔt mi, nte oto aka okodom mmɔ do:

JOSHUA 19:26

ye Allammelech, ye Amad, ye Mishal; enye onyuŋ osim ke Carmel ke edem usop-utin,

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.

1 SAMUEL 15:12

Ekem Samuel abak adaha ke enyɔŋ ke usenubɔk, ete ikosobo ye Saul. Ndien etiŋ enɔ Samuel, ete, Saul ama edi ke Carmel, ndien, sese, enye ama owuk ŋkpɔ eriti ke idemesie, ama onyuŋ ɔwɔŋɔre ebe, ɔsuhɔre aka ke Gilgal.