1 NDIDEM 18:18 - Edisana ñwed Abasi Ibom

¹⁸ Ndien enye ɔbɔrɔ ete, Idige ami ndutuhɔ Israel; edi afo, ye ufɔk usɔ (enam), koro mbufo ekpɔŋde mbet Jehovah, koro afo onyuŋ etienede Baalim.

1 NDIDEM 18:18 ပူးပေါင်းရင်းမြစ်များ

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.

1 NDIDEM 16:32

Enye onyuŋ anam itie-uwa ɔnɔ Baal ke ufɔk Baal oro enye ɔkɔbɔpde ke Samaria.

1 NDIDEM 21:25

Edi oruk owo nte Ahab ikoduhe, emi akanyamde idem esie ndinam idiɔk ke iso Jehovah, emi Jezebel ŋwan esie esinde nsɔk.

1 NDIDEM 21:26

Enye onyuŋ anam mbubiam ŋkpɔ ke eritiene ndem, kpa nte mme Amorite emi Jehovah ekebinde mmɔ ke iso nditɔ Israel efep, ekenamde kpukpru ŋkpɔ,

1 NDIDEM 9:9

Ndien mmɔ eyebɔrɔ ete, Koro mmɔ ekekpɔŋde Jehovah Abasi mmɔ, emi okosiode mme ete mmɔ ke isɔŋ Egypt, ndien eka ekemum mme abasi efen ekama, enyuŋ etuak ibuot enɔ mmɔ, enyuŋ enam ŋkpɔ enɔ mmɔ: mmɔdo Jehovah kadade ofuri idiɔk-ŋkpɔ emi etiene mmɔ.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 28:19

Koro Jehovah ɔkɔsuhɔrede Judah onim, abaŋa Ahaz edidem Israel; koro enye akanamde oburobut ke Judah, okonyuŋ eduede Jehovah ŋkpɔ eti-eti.

MME ŊKE 11:19

Nte eti ido asaŋade ke uwem: kpa ntre ŋko ke owo eke ebinede idiɔk ido asaŋa etiene mkpa esie.

MME ŊKE 13:21

Idiɔk eyebine mme anam-idiɔk: edi eyeda ufɔn enɔ nti owo ke ŋkpɔ eyen utom.

MME ŊKE 28:4

Mmɔ eke ekpɔŋde ibet etoro mme idiɔk owo: edi mmɔ eke enimde ibet etɔhɔ ye mmɔ.

MME ŊKE 5:22

Oburobut ido idiɔk owo eyemum enye, uruk idiɔk-ŋkpɔ esiemɔ eyenyuŋ ɔsɔŋɔ esike enye.

ISAIAH 3:11

Ifɔnke fɔn inɔ idiɔk owo! ke ɔdiɔk: koro eyenam enye se ubɔk esie anamde.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 23:13

Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

EZEKIEL 3:8

Sese, mmanam iso fo ɔsɔŋ ekem ye iso mmɔ, ye ɔkpɔ-iso fo ɔsɔŋ ekem ye ɔkpɔ-iso mmɔ.

MATTHEW 14:4

Koro John ɔkɔdɔhɔ enye ete, inenke afo ndida enye ndɔ.

UTOM MME APOSTLE 24:13

Mmɔ ikemeke ndiwut fi, ete, se mme imɔ etiŋde idian mi edi akpanikɔ.

UTOM MME APOSTLE 24:20

Minyuŋ idige ntre, yak mmɔ emi ke idem mmɔ etiŋ ndudue eke mmɔ ekutde mi ke idem, ke ini ndade ke iso esop,

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

1 SAMUEL 14:29

Ndien kpukpru owo ekpa mba. Ndien Jonathan ɔdɔhɔ ete, Ete mi odutuhɔ kpukpru owo: se, mbɔk, nte enyin aŋwaŋade mi, koro ntabide aran-ɔkwɔk emi esisit.