1 NDIDEM 18:10 - Edisana ñwed Abasi Ibom

¹⁰ Ma uwem Jehovah Abasi fo, baba obio, baba idut eke ete mi mikɔdɔŋke utom do ekeyom fi, iduhe: ndien adaŋoro mmɔ edɔhɔde, ete, Iduhe, enye anam idut oro, ye obio oro ɔŋwɔŋɔ, ete ke ikwe fi.

1 NDIDEM 18:10 ပူးပေါင်းရင်းမြစ်များ

1 NDIDEM 1:29

Ndien edidem ɔŋwɔŋɔ ete, Ma uwem Jehovah, emi akafakde ukpɔŋ mi osio ke kpukpru nnanenyin,

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 17:12

Ndien ŋwan ɔdɔhɔ, ete, Ma uwem Jehovah Abasi fo, nnyeneke uyo, ke mibɔhɔke ndomuyo ke abaŋ adaŋa nte owo ekemede ndiwobi ke eka-ubɔk, ye aran esisit ke ekpeme: ndien, sese, ami mmɔŋ ntataŋ ifia iba, man ŋka ŋkanam enye nnɔ idemmi ye eyen mi, man nnyin ita enye ndien ikpa.

1 NDIDEM 17:5

Ndien enye aka akanam ke uyo Jehovah: ntre ke enye aka eketie ke mben idim Cherith, emi odude ke iso Jordan.

1 NDIDEM 17:9

Daha ke enyɔŋ ka ke Zarephath, emi enyenede Zidon, nyuŋ duŋ do: sese, mma nteme ŋwan kiet emi ebe esie akpade, nte ɔbɔk fi do.

1 NDIDEM 18:11

Ndien ke emi afo ɔdɔhɔ ete, Ka ketiŋ nɔ usɔ, ete, Sese, Elijah mi.

1 NDIDEM 18:15

Ndien Elijah ɔdɔhɔ ete, Ma uwem Jehovah mme udim, emi ami ndade enye ke iso, nditreke ndiwut Ahab idem mi mfin emi.

1 NDIDEM 18:9

Ndien enye ɔdɔhɔ ete, Nnam nso idiɔk-ŋkpɔ, eke esinde fi ada owo fo ɔnɔ Ahab ke ubɔk, ete owot mi?

1 NDIDEM 2:24

Ndien ke emi, ma uwem Jehovah, emi akanamde mi nsɔŋɔ nda, onyuŋ emende mi odori ke ebekpo David ete mi, emi onyuŋ anamde ufɔk ɔnɔ mi, kpa nte enye ɔkɔdɔhɔde, Adonijah eyekpa mfin emi.

1 NDIDEM 22:14

Ndien Micaiah ɔdɔhɔ ete, Ma uwem Jehovah, se Jehovah edidɔhɔde mi, oro ke nditiŋ.

ŊWED MME PSALM 10:2

Oto ke iseri mme idiɔk owo mme ubuene ekut ndutuhɔ: emum mmɔ ke mme uduak emi mmɔ (mme idiɔk owo) eduakde.

ŊWED MME PSALM 31:20

Afo eyedip mmɔ ke ebiet udibe ke iso fo, abak odu owo: eyefuk mmɔ ke ataya, abak utɔk mme edeme.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

JEREMIAH 36:19

Ndien mbɔŋ oro edɔhɔ Baruch, ete, Ka kodibe, afo ye Jeremiah; mbufo ekunyuŋ eyak owo baba kiet ɔfiɔk ebiet eke mbufo edude.

JEREMIAH 36:26

Ndien edidem owuk Jerahmeel eyen edidem, ye Seraiah eyen Azriel, ye Shelemiah eyen Abdeel, ete emum Baruch andiwet ŋwed ye Jeremiah prophet: edi Jehovah odip mmɔ.

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.

1 SAMUEL 23:23

Mbufo enyuŋ ese, enyuŋ efiɔk kpukpru ebiet-udibe emi enye odibede ke esit, enyuŋ eda akpanikɔ efiak editiŋ enɔ mi, ndien nyetiene mbufo ŋka: ndien, ama ekem, edieke enye odude ke isɔŋ, nyesaŋa nduŋɔ enye ke otu kpukpru mme tɔsin Judah.

1 SAMUEL 29:6

Ndien Achish okot David edi, onyuŋ ɔdɔhɔ enye, ete, Ma uwem Jehovah, afo emenen; erisaŋa emi afo asaŋade ye ami ɔwɔrɔ, onyuŋ asaŋade ye ami oduk ke nna-ekɔŋ ɔfɔn mi eti-eti: koro mmeŋka-ŋkwe fi idiɔk ido ke idem, toto ke usen oro afo ekedide ke ebiet mi, tutu osim mfin emi: edi mbɔŋ oro isehe fi ke eti owo.