1 NDIDEM 18:1 - Edisana ñwed Abasi Ibom

¹ EDIKEM ediwak usen ema ekebe, ndien uyo Jehovah osim Elijah ke ɔyɔhɔ isua ita, ete, Ka kowut Ahab idemfo; ndien nyenam edim edep ke iso isɔŋ.

1 NDIDEM 18:1 ပူးပေါင်းရင်းမြစ်များ

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 17:15

Ndien ŋwan aka akanam ke uyo Elijah; ndien ŋwan, ye enye, ye ufɔk ŋwan, edia ŋkpɔ ediwak usen

1 NDIDEM 17:7

Edikem ke utit mme usen oro mmɔŋ ke idim asat ama, koro edim mikoduhe ke edem oro.

1 NDIDEM 18:2

Ndien Elijah aka ndiwut Ahab idemesie. Akaŋ onyuŋ ɔsɔŋ ubɔk eti-eti ke Samaria.

1 NDIDEM 8:36

afo tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ eke edisaŋade ke esit; nyuŋ nam edim edep ke isɔŋ fo, emi afo ɔkɔnɔde ikɔt fo ke udeme.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

JEREMIAH 10:13

Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

LEVITICUS 26:4

ndien nyenɔ mbufo edim ke ekem ini, isɔŋ eyenyuŋ oduk ekese, mme eto iŋwaŋ eyenyuŋ esioŋo mfri mmɔ.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

LUKE 4:25

Edi ntiŋ akpanikɔ nnɔ mbufo nte, Ediwak mme ebe-akpa ekedu ke Israel ke eyo Elijah, ke ini esiride ikpa-enyɔŋ isua ita ye ɔfiɔŋ itiokiet, akamba akaŋ onyuŋ odude ke ofuri isɔŋ;

DEUTERONOMY 28:12

Jehovah eyesio usuŋ ebiet unim nti ŋkpɔ esie ɔnɔ fi, eke enyɔŋ, ndinɔ isɔŋ fo edim ke ekem ini, nnyuŋ ndiɔŋ kpukpru se ubɔk fo anamde: ndien afo eyenɔ ediwak mme idut ebuɔt, edi mmɔ idibuɔtke fi.

JAMES 5:17

Elijah ekedi owo emi enyenede mbiet uduot nnyin, enye onyuŋ ɔbɔŋ akam eti-eti, ete, edim okudep; ndien edim idepke ke isɔŋ ke isua ita ye ɔfiɔŋ itiokiet.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

ERIYARARE 11:6

Mmɔ oro enyene odudu ndisiri ikpa-enyɔŋ mbiɔŋɔ edim ndidep ke mme usen eke mmɔ etiŋde prophecy; mmɔ enyuŋ enyene odudu ke idim mmɔŋ, ndinam mmɔŋ akabare edi iyip, ndinyuŋ nda kpukpru idiɔk udɔŋɔ mmia isɔŋ ufen, adaŋa ini nte mmɔ emama.