1 NDIDEM 17:12 - Edisana ñwed Abasi Ibom

¹² Ndien ŋwan ɔdɔhɔ, ete, Ma uwem Jehovah Abasi fo, nnyeneke uyo, ke mibɔhɔke ndomuyo ke abaŋ adaŋa nte owo ekemede ndiwobi ke eka-ubɔk, ye aran esisit ke ekpeme: ndien, sese, ami mmɔŋ ntataŋ ifia iba, man ŋka ŋkanam enye nnɔ idemmi ye eyen mi, man nnyin ita enye ndien ikpa.

1 NDIDEM 17:12 ပူးပေါင်းရင်းမြစ်များ

GENESIS 21:15

ikɔt Beer-sheba. Ekem, mmɔŋ ke ikpa okure, ndien enye onim eyen oro ke isɔŋ ke idak ekpri eto kiet.

GENESIS 21:16

Ndien enye aka eketie ke idem esie ke edem oko ke ufaŋ nte ata utiga otopde; koro enye ɔdɔhɔde, ete, Ndikwe mkpa eyenɔwɔŋ. Ndien enye etie ke edem oko, onyuŋ emen uyo esie atua eyet.

2 SAMUEL 15:21

Edi Ittai ɔbɔrɔ edidem, ete, Ma uwem, Jehovah ye uwem ɔbɔŋ mi edidem ke ebiet eke ɔbɔŋ mi edidem, edidude, edide ke mkpa, onyuŋ edide ke uwem, ke owo fo edidu ŋko.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 17:11

Ndien nte ŋwan akade ndida ndi, enye (Elijah) okot enye, ete, Mbɔk da uyo esisit ke ubɔk fo di sɔk mi.

1 NDIDEM 17:13

Ndien Elijah ɔdɔhɔ enye, ete, Kufehe; ka kanam ke uyo fo: edi bem iso sio ke esit, nam ekpri uyo nɔ mi; da di sɔk mi, ndien amanam, nam okuo ye eke eyen fo.

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

ŊWED ESEME 4:9

Ɔfɔn ye mmɔ eke ofut owotde, akan mmɔ eke akaŋ owotde: koro mmɔ oro eyemerede, enyuŋ etie nte ekekim mmɔ, koro mbuŋwum iŋwaŋ miduhe.

MATTHEW 26:7

ŋwan kiet akama otu alabaster, emi esinde ata ɔsɔŋ-urua ufuɔŋkpɔ ke esit, etiene Enye, ɔtɔhɔ Enye ufuɔŋkpɔ ke ibuot, nte Enye etiede ke itie -udia.

1 SAMUEL 14:39

Koro, ma uwem Jehovah emi anyaŋade Israel, ama odu ye Jonathan eyen mi, enye iditreke ndikpa. Edi baba ofuri owo mmɔ kiet ibɔrɔke enye.

1 SAMUEL 14:45

Nte ɔfɔn Jonathan ndikpa, emi akanamde akamba erinyaŋa emi ke Israel? Nsa nnyin! ma uwem Jehovah, baba idet kiet iditoho enye ke ibuot iduɔ ke isɔŋ; koro enye amanam ye Abasi mfin emi. Ndien mmɔ enyaŋa Jonathan, iyakke enye akpa.

1 SAMUEL 20:21

Ndien, sese, nyedɔŋ akparawa oro utom, nte, Ka kataŋ idaŋ oro. Mma ndɔhɔ eyen oro, nte, Sese, idaŋ edu fi ke edem emi, da mmɔ; ndien afo edi: koro ɔfɔnde ɔnɔ fi, ikɔ inyuŋ iduhe, ma uwem Jehovah.

1 SAMUEL 20:3

Ndien David ɔŋwɔŋɔ ŋko, ete, Usɔ ɔmɔfiɔk ete ke afo amama mi; ndien enye, ɔdɔhɔ ete, Kuyak Jonathan ɔfiɔk emi, mbak esit ediyat enye: edi ma uwem Jehovah, ma uwem idem fo ŋko, ayak ikpat kiet ami ndikpa.

1 SAMUEL 25:26

Ndien, ɔbɔŋ mi, ma uwem Jehovah, ma uwem fo ŋko, koro Jehovah amakpan fi ndidue isop iyip, ndinyuŋ nda ubɔk fo nnyaŋa idem fo, yak mme asua fo, ye mmɔ eke eyomde ndidiɔk ye ɔbɔŋ mi ekam etie nte Nabal.

1 SAMUEL 26:10

David onyuŋ ɔdɔhɔ ete, Ma uwem Jehovah, Jehovah eyewot enye; mme ini mkpa esie eyedi; mme enye eyesuhɔre ke ekɔŋ, ndien atak.