1 NDIDEM 16:2 - Edisana ñwed Abasi Ibom

² Koro ŋkemenerede fi ke ntɔŋ, nnyuŋ nnimde fi ke etubom ikɔt mi Israel; ndien afo ama akasaŋa ke usuŋ Jeroboam, onyuŋ esin ikɔt mi Israel ediɔk, enyuŋ eyat mi esit ke idiɔk mmɔ; sese,

1 NDIDEM 16:2 ပူးပေါင်းရင်းမြစ်များ

1 NDIDEM 14:16

Ndien enye eyeyak Israel ɔnɔ, abaŋa mme idiɔk ido Jeroboam emi ɔkɔdiɔkde, emi okonyuŋ anamde Israel ediɔk.

1 NDIDEM 14:7

Ka kɔdɔhɔ Jeroboam, ete, Ntem ke Jehovah Abasi Israel ɔdɔhɔ ete, Koro ami ŋkemenerede fi ke ufɔt obio, nnyuŋ nnim fi ke ɔbɔŋ ikɔt mi Israel,

1 NDIDEM 15:26

Ndien enye anam se idiɔkde Jehovah ke enyin, onyuŋ asaŋa ke usuŋ ete esie, ye ke idiɔk ido esie emi enye akadade esin Israel ediɔk.

1 NDIDEM 15:34

Enye onyuŋ anam idiɔk ke iso Jehovah, onyuŋ asaŋa ke usuŋ Jeroboam, ye ke idiɔk ido esie emi enye esinde Israel ediɔk.

EXODUS 32:21

Ndien Moses ɔdɔhɔ Aaron, ete, Mbio emi ekenam fi nso ŋkpɔ, eke esinde fi ada akwa idiɔk-ŋkpɔ odori mmɔ?

JEREMIAH 7:18

Nditɔwɔŋ etaŋ ifia, mme ete enyuŋ ebara ikaŋ, iban enyuŋ ebuen ndom-uyo, man enam mfefere uyo enɔ ɔbɔŋ aŋwan enyɔŋ, enyuŋ enwaŋa ediŋwɔŋ uwa enɔ abasi efen, enyuŋ eyat mi esit. Jehovah ɔdɔhɔ, ete, Nte edi ami ke mmɔ eyat?

MATTHEW 5:19

Mmɔdɔ owo ekededi eke edibiatde ata ekpri ibet emi kiet, edinyuŋ ekpepde owo efen nditiene mbiat, eyekot enye ata ekpri ke Obio Ubɔŋ Heaven: edi owo ekededi eke edinimde, edinyuŋ ekpepde owo efen ndinim, eyekot enye akamba ke Obio Ubɔŋ Heaven.

LUKE 1:52

Enye ekemen mbɔŋ efep ke ebekpo mmɔ, Onyuŋ ofori mmɔ emi ekpride.

1 SAMUEL 2:24

Nditɔ mi, mbufo ekunam: koro midige eti etop ke ami ŋkop; mbufo esin ikɔt Jehovah edue.

1 SAMUEL 2:8

Anam ubuene adaha ke ntɔŋ, onyuŋ emen mme anana ŋkpɔ ke ifum odori, ete inam mmɔ etie ye mbɔŋ, enye onyuŋ ɔnɔ mmɔ ebekpo ubɔŋ enyene: koro mme obubɔk ererimbot enyenede Jehovah, ndien enye amada ekondo odori mmɔ ke esit.

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.