1 NDIDEM 16:16 - Edisana ñwed Abasi Ibom

¹⁶ Ndien adaŋa emi mmɔ eke edude ke nna-ekɔŋ ekopde ete ke Zimri ama oduk odu, ama onyuŋ owot edidem ŋko, ofuri Israel eda Omri, etubom mboŋ-ekɔŋ, enim ke edidem ofuri Israel ke usen oro ke nna-ekɔŋ.

1 NDIDEM 16:16 ပူးပေါင်းရင်းမြစ်များ

1 NDIDEM 15:27

Ndien Baasha eyen Ahijah, emi otode ke ufɔk Isaachar, oduk odu abaŋa enye; Baasha onyuŋ owot enye ke Gibbethon, emi enyenede mme Philistine; koro Nadab ye ofuri Israel ekande Gibbethon ekuk.

1 NDIDEM 16:15

Ke ɔyɔhɔ isua Asa edidem Judah edip ye itiaba, Zimri ada ubɔŋ usen itiaba ke Tirzah. Ndien mbon-ekɔŋ ena ke nna - ekɔŋ eŋwana ye Gibbethon, emi enyenede mme Philistine.

1 NDIDEM 16:17

Ndien Omri ye ofuri Israel ŋko edaŋa ke Gibbethon, eka ekekan Tizah ekuk.

1 NDIDEM 16:30

Ahab eyen Omri onyuŋ anam idiɔk ke iso Jehovah akan kpukpru mmɔ oro ekebemde enye iso.

2 NDIDEM 8:26

Ahaziah edi edidem ke Jerusalem isua kiet. Ndien enyiŋ eka esie ekere Athaliah, eyen Omri edidem Israel.

2 CHRONICLES 22:2

Ntre Ahaziah eyen Jehoram edidem Judah ada ubɔŋ. Ahaziah edi isua aba ye iba, ke ini enye adade ubɔŋ: ndien enye edi edidem ke Jerusalem isua kiet. Enyiŋ eka esie ŋko ekere Athaliah eyen Omri.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.