1 NDIDEM 15:27 - Edisana ñwed Abasi Ibom

²⁷ Ndien Baasha eyen Ahijah, emi otode ke ufɔk Isaachar, oduk odu abaŋa enye; Baasha onyuŋ owot enye ke Gibbethon, emi enyenede mme Philistine; koro Nadab ye ofuri Israel ekande Gibbethon ekuk.

1 NDIDEM 15:27 ပူးပေါင်းရင်းမြစ်များ

1 NDIDEM 14:14

Ndien Jehovah eyenam edidem Israel adaha ke enyɔŋ, eke edikpokde ufɔk Jeroboam efep. Emi eyesu mfin; ye kpa ke idem idahemi,

1 NDIDEM 15:28

Ntem ke Baasha owot enye ke ɔyɔhɔ isua Asa edidem Judah ita, onyuŋ ada ubɔŋ ke ibuot esie.

1 NDIDEM 16:10

Zimri aka okokim enye owot, ke ɔyɔhɔ isua Asa edidem Judah edip ye itiaba: ndien ada ubɔŋ ke itie esie.

1 NDIDEM 16:15

Ke ɔyɔhɔ isua Asa edidem Judah edip ye itiaba, Zimri ada ubɔŋ usen itiaba ke Tirzah. Ndien mbon-ekɔŋ ena ke nna - ekɔŋ eŋwana ye Gibbethon, emi enyenede mme Philistine.

1 NDIDEM 16:16

Ndien adaŋa emi mmɔ eke edude ke nna-ekɔŋ ekopde ete ke Zimri ama oduk odu, ama onyuŋ owot edidem ŋko, ofuri Israel eda Omri, etubom mboŋ-ekɔŋ, enim ke edidem ofuri Israel ke usen oro ke nna-ekɔŋ.

1 NDIDEM 16:17

Ndien Omri ye ofuri Israel ŋko edaŋa ke Gibbethon, eka ekekan Tizah ekuk.

1 NDIDEM 16:7

Ndien ikɔ Jehovah oto ke inua prophet Jehu eyen Hanani osim Baasha, ye ufɔk esie, ke abaŋa kpukpru mme idiɔk ido oro enye akanamde ke iso Jehovah, onyuŋ ayat enye esit ke utom ubɔk esie, onyuŋ ebiet ufɔk Jeroboam: koro enye okonyuŋ osobode enye.

1 NDIDEM 16:9

Ekem owo esie Zimri, etubom ubak mme chariot esie, oduk odu abaŋa enye. Ndien ke ini enye odude ke Tirzah, ɔŋwɔŋ mmin akpa ke ufɔk Arza etubom ufɔk esie ke Tirzah;

2 NDIDEM 12:20

Ekem ikɔt esie edaha ke enyɔŋ eduk odu, enyuŋ ewot Joash ke ufɔk Millo, emi ɔsuhɔrede ke Silla.

2 NDIDEM 12:21

Ntre ke Jozacar eyen Shimeath, ye Jehozabad eyen Shomer, ikɔt esiemɔ, etɔ enye ewot; ndien ebuk enye ye mme ete esie ke obio David: ndien Amaziah eyen esie ada ubɔŋ ke itie esie.

2 NDIDEM 9:14

Ntre ke Jehu eyen Jehoshaphat, eyen Nimshi, oduk odu abaŋa Joram. (Ndien Joram ye ofuri Israel eketie ekpeme ke Ramoth-gilead, ebaŋa Hazael edidem Syria.

2 CHRONICLES 24:25

Ekem adaŋoro mmɔ edaŋade ke ɔtɔ esie, (koro mmɔ ekpɔŋde enye ke ediwak udɔŋɔ) ikɔt esie eduk odu ebaŋa enye, ebaŋa ikɔ iyip nditɔ Jehoiada oku, ndien mmɔ ewot enye ke bed esie; ntre ke enye akpa: ndien mmɔ ebuk enye ke obio David, edi ibukke enye ke udi ndidem.

JOSHUA 19:44

ye Ekron, ye El-tekeh, ye Gibbethon, ye Baalath,

JOSHUA 21:23

Elteke ye mben-isɔŋ esie ke esien Dan ŋko, ye Gibbethon ye mben-isɔŋ esie,