1 NDIDEM 15:22 - Edisana ñwed Abasi Ibom

²² Ndien edidem Asa owuk ofuri Judah; baba kiet isuhɔke: ndien mmɔ eka ekebiom kpukpru mme itiat Ramah, ye mme eto esie oro Baasha akadade ɔbɔp; edidem Asa onyuŋ ada mmɔ ɔdiɔŋ Geba a Benjamin, ye Mizpah.

1 NDIDEM 15:22 ပူးပေါင်းရင်းမြစ်များ

1 NDIDEM 15:17

Ndien Baasha edidem Israel ɔdɔk akaŋwana ye Judah, onyuŋ ɔbɔp Ramah, ete ikuyak owo ɔwɔrɔ onyuŋ oduk etiene Asa edidem Judah.

2 NDIDEM 23:8

Enye onyuŋ anam kpukpru oku eto ke mme obio Judah edi, onyuŋ asabare kpukpru edikoŋ ebiet emi mme oku ekam efɔpde uwa do, ɔtɔŋɔde ke Geba, tutu osim ke Beer-sheba, onyuŋ owuri mme edikoŋ ebiet inua-otop oro okodude ke inua-otop Joshua etubom obio, enye oro okodude owo ke ubɔk ufien ke inua-otop obio.

2 CHRONICLES 16:6

Ndien Asa edidem ada ofuri Judah edi; ndien mmɔ ebiom itiat Ramah, ye eto esie, emi Baasha akadade ɔbɔp; ndien enye ada mmɔ ɔbɔp Geba ye Mizpah.

JEREMIAH 40:10

Ndien ama edi ami, sese, ami nduŋ ke Mizpah, man ndiɔŋ mme Chaldean eke edisimde nnyin itie; edi mbufo etaŋ wine ye mfri eto nda-eyo ye aran, esin ke ŋkpɔ mbufo, enyuŋ eduŋ ke mme obio mbufo emi mbufo edade.

JEREMIAH 40:6

Ndien Jeremiah aka ke ɔtɔ Gedaliah eyen Ahikam ke Mizpah; onyuŋ oduŋ ye enye ke otu mbon-obio eke esuhɔde ke isɔŋ.

JEREMIAH 41:9

Ndien obube oro Ishmael ɔduɔŋɔde do kpukpru mme okpo owo oro enye okowotde, mmɔ oro ekedude Gedaliah ke ubɔk, edi oro Asa edidem akanamde abak Baasha edidem Israel; enye ke Ishmael eyen Nethaniah emen owo oro enye okowotde ɔyɔhɔ ke esit.

ZECHARIAH 14:10

Ofuri isɔŋ eyekabare ebiet una-isɔŋ ɔtɔŋɔde ke Geba tutu osim ke Rimmon, ke edem usuk Jerusalem: enye (Jerusalem) eye-nyuŋ okoŋ, ndien eyeduŋ enye ke itie esie, ɔtɔŋɔde ke inua-otop Benjamin, tutu osim ɔtɔ akpa inua-otop, tutu osim ke inua-otop inuk, onyuŋ ɔtɔŋɔde ke tower Hananel tutu osim ɔtɔ unim wine edidem.

JOSHUA 18:24

ye Ophrah, ye Chephar-amoni, ye Ophni, ye Geba; obio duopeba, ye mme obio iŋwaŋ mmɔ:

JOSHUA 18:26

ye Mizpeh, ye Chephirah,

JOSHUA 21:17

Mmɔ enyuŋ esio Gibeon ye mben-isɔŋ esie, ye Geba ye mben-isɔŋ esie ke esien Benjamin,

1 SAMUEL 7:5

Ndien Samuel ɔdɔhɔ ete, Mbufo ebon ofuri Israel ke Mizpah, man ŋkpe Jehovah ubɔk nnɔ mbufo.