1 NDIDEM 14:9 - Edisana ñwed Abasi Ibom

⁹ edi ama anam idiɔk akan kpukpru owo emi ekebemde fi iso edu ama onyuŋ aka akanam abasi eŋwen, ye editara mbiet, onyuŋ ayat mi esit, onyuŋ emen mi ɔduɔk ke edem fo.

1 NDIDEM 14:9 ပူးပေါင်းရင်းမြစ်များ

1 NDIDEM 12:28

Ndien edidem ekere, onyuŋ ada gold anam nditɔ enaŋ iba, onyuŋ ɔdɔhɔ mmɔ ete, Akan mbufo ndidɔk ke Jerusalem: O Israel, se mme abasi emi ekedade mbufo ke isɔŋ Egypt edɔk edi.

1 NDIDEM 14:16

Ndien enye eyeyak Israel ɔnɔ, abaŋa mme idiɔk ido Jeroboam emi ɔkɔdiɔkde, emi okonyuŋ anamde Israel ediɔk.

1 NDIDEM 14:22

Judah enyuŋ enam idiɔk ke iso Jehovah enyuŋ esin enye ofibe ufup akan kpukpru se mme ete mmɔ ekenamde, ke idiɔk ido mmɔ eke mmɔ ekenamde.

1 NDIDEM 15:29

Edikem ke ini enye ama akada ubɔŋ, enye owot ofuri ufɔk Jeroboam; isuhɔke baba se iduɔkde ibifik, inɔ Jeroboam, edi osobo enye ama, ekem ke uyo Jehovah emi enye akadade inua Ahijah Shilonite owo esie ɔdɔhɔ:

1 NDIDEM 15:30

ke abaŋa mme idiɔk ido Jeroboam emi enye akanamde, ye se enye esinde Israel enam, ke eriyat emi enye ayatde Jehovah Abasi Israel esit.

1 NDIDEM 15:34

Enye onyuŋ anam idiɔk ke iso Jehovah, onyuŋ asaŋa ke usuŋ Jeroboam, ye ke idiɔk ido esie emi enye esinde Israel ediɔk.

1 NDIDEM 16:25

Edi Omri anam idiɔk ke iso Jehovah, onyuŋ ɔdiɔk akan kpukpru mmɔ oro ekebemde enye iso.

1 NDIDEM 16:30

Ahab eyen Omri onyuŋ anam idiɔk ke iso Jehovah akan kpukpru mmɔ oro ekebemde enye iso.

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.

1 NDIDEM 16:33

Ahab onyuŋ anam eto-mkpe; Ahab onyuŋ ɔdɔdiɔŋ anam se iyatde Jehovah Abasi Israel esit, akan kpukpru ndidem Israel oro ekebemde enye iso.

2 NDIDEM 21:3

Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 NDIDEM 23:26

Edi Jehovah ikabakede ikpɔŋ ikaŋ akwa iyaresit esie, emi enye ayatde esit ye Judah, abaŋa kpukpru eriyat oro Manasseh akadade ayat enye.

2 NDIDEM 3:3

Edi enye ɔkɔbɔ ke idiɔk ido Jeroboam eyen Nebat, emi akanamde Israel ediɔk; inyuŋ ikpɔŋke oro.

2 CHRONICLES 11:15

ndien enye ke idem esie onim oku ɔnɔ edikoŋ ebiet, ye okpo-ebot, ye nditɔ-enaŋ oro enye akanamde.

2 CHRONICLES 33:6

Ndien enye onyuŋ anam nditɔ esie ebe eduk ke ikaŋ ke itihere eyen Hinnom, onyuŋ ebre idiɔŋ enyɔŋ, ye idiɔŋ urukikɔt, onyuŋ onim mme ebre-idiɔŋ ekpo owo, ye mme ɔfiɔk ŋkpɔ owo. Enye awak ndinam idiɔk ke iso Jehovah, onyuŋ ayat enye esit.

NEHEMIAH 9:25

Ndien mmɔ eda obio ibibene ekɔŋ, ye isɔŋ isek, enyuŋ enyene ufɔk emi kpukpru oruk nti ŋkpɔ eyɔhɔde ke esit, obube mmɔŋ emi eketibide, ye iŋwaŋ-vine, ye iŋwaŋ-olive, ye ediwak eto mfri eke ediade. Ndien mmɔ edia eyuhɔ, enyuŋ ekponi, enyuŋ edat esit ke akwa mfɔn fo.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

ŊWED MME PSALM 106:29

Ntre ke mmɔ eyat enye esit ke mme idiɔk ido mmɔ: ndien ufen obumere ke otu mmɔ.

ŊWED MME PSALM 50:17

Sia afo asua item, onyuŋ ɔduɔk ikɔ mi ke edem fo.

ŊWED MME PSALM 78:40

Adaŋa didie ke mmɔ ekemiom enye ke wilderness, enyuŋ eyat enye esit ke desert!

ŊWED MME PSALM 78:56

Edi mmɔ edomo Abasi Ata Edikoŋ, enyuŋ eyat enye esit, inyuŋ inimke mbet esie.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

EXODUS 34:17

Kutara ŋkpɔ ubot abasi ke idem fo.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

JEREMIAH 7:18

Nditɔwɔŋ etaŋ ifia, mme ete enyuŋ ebara ikaŋ, iban enyuŋ ebuen ndom-uyo, man enam mfefere uyo enɔ ɔbɔŋ aŋwan enyɔŋ, enyuŋ enwaŋa ediŋwɔŋ uwa enɔ abasi efen, enyuŋ eyat mi esit. Jehovah ɔdɔhɔ, ete, Nte edi ami ke mmɔ eyat?

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

EZEKIEL 23:35

Mmɔdo ntem ke Ɔbɔŋ Jehovah ɔdɔhɔ, ete, Koro afo efrede mi, onyuŋ emende mi ɔduɔk ke edem fo; afo ŋko enyene ndibiom oburobut ido fo ye use fo.

EZEKIEL 8:17

Ndien enye obup mi, ete, Eyen owo, nte afo omokut? Nte ufɔk Judah ese erinam mbubiam emi mmɔ enamde mi ke ekpri ŋkpɔ? koro mmɔ edade ŋkanubɔk eyɔhɔ ke isɔŋ, enyuŋ efiak edem eyat mi esit: ndien, sese, mmɔ ke edian ikɔŋ ke ibuo mmɔ.

EZEKIEL 8:3

Enye onyuŋ anyan se ibietde ubɔk, omum mi ke idet ibuot mi: ndien spirit emenere mi esin ke ufɔt isɔŋ ye enyɔŋ, onyuŋ ada mi ke ŋkukut Abasi edi ke Jerusalem, ke inua-otop esit-esit usuŋ emi esede edere, emi mbiet ufup emi esinde efibe ufup odude do.

LEVITICUS 19:4

Mbufo ekukabare etiene ndem, ekunyuŋ etara ŋkpɔ enam abasi enɔ idem mbufo: ami ndi Jehovah Abasi mbufo.

1 ŊWED CORINTH 10:22

Mme, nte nnyin inanam Ɔbɔŋ ofibe ufup? Nte imenyene odudu ikan Enye?

DEUTERONOMY 32:21

Mmɔ ema eda se midige Abasi esin mi mfibe ufup; ema eda mbukpo ŋkpɔ mmɔ eyat mi esit: ami ŋko nyeda se midige idut nsin mmɔ efibe ufup; nyeda ndisime obio nyat mmɔ esit.

DEUTERONOMY 9:24

Mbufo esuk esɔsɔŋ ibuot ye Jehovah, toto ke usen emi ŋkɔfiɔkde mbufo.

JUDGES 5:8

Mmɔ ekemek mbufa abasi: ndo-ndo oro ekɔŋ osim mme inua otop: nte ema ekut otu-ekɔŋ mme eduat ke otu mme tɔsin Israel aba?