1 NDIDEM 14:30 - Edisana ñwed Abasi Ibom

³⁰ Ekɔŋ onyuŋ odu ke ufɔt Rehoboam ye Jeroboam ke ofuri eyo mmɔ. Ekem Rehoboam ana ɔsuhɔre ye mme ete esie ede idap, onyuŋ ɔbuhɔ ye mme ete esie ke obio David.

1 NDIDEM 14:30 ပူးပေါင်းရင်းမြစ်များ

2 SAMUEL 3:1

NTRE ke ufɔk Saul eŋwana ekɔŋ ye ufɔk David ebigi; ndien David ɔdɔdiɔŋ ɔsɔŋ aka iso, edi ufɔk Saul ɔdɔdiɔŋ afiak edem.

1 NDIDEM 12:21

Ekem adaŋemi Rehoboam osimde Jerusalem, enye obon ofuri ufɔk Judah, ye esien Benjamin, tɔsin edimek mbon-ekɔŋ ke itie ikie ye anaŋ, man eŋwana ekɔŋ ye ufɔk Israel, man eda ubɔŋ ediyak enɔ Rehoboam eyen Solomon.

1 NDIDEM 12:24

ete Ntem ke Jehovah ɔdɔhɔ, ete, Mbufo ekudɔk, ekunyuŋ eŋwana ekɔŋ ye nditɔ-ete mbufo, nditɔ Israel: yak kpukpru owo efiak ke ufɔk mmɔ; koro ŋkpɔ emi otode mi. Ndien mmɔ ekop uyo Jehovah, enyuŋ efiak, etre ndika, ke uyo Jehovah.

1 NDIDEM 14:19

Ndien ikɔ Jeroboam eŋwen, nte enye akaŋwanade ekɔŋ, nte enye okonyuŋ adade ubɔŋ, sese, emewet mmɔ ke ŋwed ikɔ eyo ndidem Israel.

1 NDIDEM 15:16

Ekɔŋ onyuŋ odu ke ufɔt Asa ye Baasha edidem Israel ke ofuri eyo mmɔ

2 CHRONICLES 12:15

Ndien ama edi ikɔ Rehoboam, mbem-iso ye akpatre, nte ikewetke mmɔ isin ke ŋwed Shemaiah prophet, ye ke eke Iddo okut-ŋkukut, nte emi ewetde ŋwed emana?