1 NDIDEM 14:26 - Edisana ñwed Abasi Ibom

²⁶ onyuŋ ada ŋkpɔ-uto ufɔk Jehovah, ye ŋkpɔ-uto ufɔk edidem efep; enye ada kpukpru: onyuŋ emen kpukpru otu-ekɔŋ o gold oro Solomon akanamde, ɔnyɔŋ.

1 NDIDEM 14:26 ပူးပေါင်းရင်းမြစ်များ

1 NDIDEM 15:18

Ndien Asa ada kpukpru silver ye gold emi ɔsuhɔde ke ebiet-unim ŋkpɔ-uto ufɔk Jehovah, ye ke ebiet unim ŋkpɔ uto ufɔk edidem, ada mmɔ esin ikɔt esie ke ubɔk: ndien edidem Asa ɔnɔ mmɔ esɔk Benhadad eyen Tabrimmon, eyen Hezion, edidem Syria, emi oduŋde ke Damascus, ete,

1 NDIDEM 7:51

Ntem ke ofuri utom ufɔk Jehovah oro Solomon edidem anamde, okure. Ndien Solomon emen ŋkpɔ oro David ete esie okonimde, esin ke esit; ada silver, ye gold, ye mkpoduoho esin ke ebiet unim-ŋkpɔ ufɔk Jehovah.

2 NDIDEM 12:18

Ndien Jehoash edidem Judah emen kpukpru edisana ŋkpɔ oro Jehoshaphat, ye Jehoram, ye Ahaziah, mme ete esie, ndidem Judah, ekenimde, ye ndisana ŋkpɔ esiemɔ, ye ofuri gold eke ekutde ke ebiet unim-ŋkpɔ ufɔk Jehovah, ye ke eke ufɔk edidem ɔnɔ esɔk Hazael edidem Syria: ndien enye ɔdɔk ɔkpɔŋ Jerusalem.

2 NDIDEM 14:14

Enye onyuŋ ada ofuri gold ye silver, ye kpukpru mkpɔduɔhɔ emi mmɔ ekutde ke ufɔk Jehovah, ye ke ebiet unim-ŋkpɔ ufɔk edidem, ye mbon ubiɔŋ, ndien ɔnyɔŋ ke Samaria.

2 NDIDEM 24:13

Enye onyuŋ osio do kpukpru ŋkpɔ uto ufɔk Jehovah, ye ŋkpɔ uto ufɔk edidem, onyuŋ adianare gold efep ke kpukpru ŋkpɔ oro Solomon edidem Israel akanamde ke ufɔk Jehovah, kpa nte Jehovah ɔkɔdɔhɔde.

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

MME ŊKE 23:5

Nte afo ediyak enyin fo efe oduk ke esit? Amanam, enye iduhe: koro enye editibede mba ke idem esie: enye efe ɔnyɔŋ ke heaven nte ntrukpom.