1 NDIDEM 14:23 - Edisana ñwed Abasi Ibom

²³ Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

1 NDIDEM 14:23 ပူးပေါင်းရင်းမြစ်များ

1 NDIDEM 12:31

Enye onyuŋ ɔbɔp ufɔk ke edikoŋ ebiet, onyuŋ osio owo eke midige nditɔ Levi ke ofuri obio, onim ke oku.

1 NDIDEM 14:15

Ndien Jehovah eyenuak Israel, kpa nte mmɔŋ enyeŋede nnyanyaŋa, enye eyenyuŋ edibere Israel efep ke eti isɔŋ emi enye ɔkɔnɔde mme ete mmɔ, onyuŋ asuan mmɔ ke edem akpa oko: koro mmɔ enamde eto-mkpe, ke eyat Jehovah esit.

1 NDIDEM 15:12

Enye onyuŋ osobo mbon-use-sodom ke isɔŋ efep onyuŋ emen kpukpru nsu-nsu abasi emi mme ete esie ekenamde, ɔduɔŋɔ.

1 NDIDEM 20:23

Ekem ikɔt edidem Syria edɔhɔ enye, ete, Mme abasi mmɔ edi abasi ikpɔ obot, mmɔdo mmɔ ekesɔŋde ekan nnyin; edi yak nnyin iŋwana ye mmɔ ke una-isɔŋ, ise mme nnyin iyesɔŋ ikan mmɔ,

1 NDIDEM 3:2

Edi mbio-obio ekewa uwa ke edikoŋ ebiet: koro mika ibɔpke ufɔk inɔ enyiŋ Jehovah,tutu osim ke usen oro.

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

2 NDIDEM 10:26

Ndien mmɔ eduk ke ɔkpɔsɔŋ ebiet ufɔk Baal; ekesioŋo mbio-eto ufɔk Baal, efɔp;

2 NDIDEM 16:4

Enye onyuŋ awa uwa, onyuŋ ɔfɔp incense ke mme edikoŋ ebiet, ye ke ikpɔ obot, ye ke idak kpukpru awawa eto.

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

2 NDIDEM 17:19

Judah ŋko inyuŋ inimke mbet Jehovah Abasi mmɔ, edi asaŋa ke ido Israel emi mmɔ enamde.

2 CHRONICLES 24:18

Ndien mmɔ ekpɔŋ ufɔk Jehovah Abasi mme ete mmɔ, eka ekenam ŋkpɔ eto-mkpe, ye eke nsunsu abasi: ndien iyaresit odoro Judah ye Jerusalem abaŋa isop mmɔ emi.

2 CHRONICLES 28:4

Ndien enye awa uwa, onyuŋ ɔfɔp ke edikoŋ ebiet, ke enyɔŋ ikpɔ obot, ye ke idak kpukpru awawa eto.

EXODUS 34:13

Edi mbufo ewuri mme itie uwa mmɔ, ebom mme adaha mmɔ, enyuŋ esiak mme eto-mkpe mmɔ:

ISAIAH 57:5

Ke efiop idem mbufo ke otu mme ofriyo, ke idak kpukpru awawa eto, ke ewot nditɔ-ɔwɔŋ ke mme ebedeŋ ke idak nsiaha ikpɔ itiat?

JEREMIAH 17:2

ke ini nditɔ mmɔ etide mme itie-uwa mmɔ, ye mme eto-mkpe mmɔ, ekpere awawa eto, ye ke enyɔŋ ikpɔ obot.

JEREMIAH 2:20

Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

EZEKIEL 6:13

Ndien mbufo eyefiɔk ete ke ami ndi Jehovah, ke adaŋemi owo mmɔ emi ekpaŋade enade ke ufɔt mme ibɔk mmɔ, ekan mme itie-uwa mmɔ ekuk, ke enyɔŋ kpukpru ŋkokoŋo obot, ke ibuot kpukpru ikpɔ obot, ye ke idak kpukpru awawa eto, ye ke idak kpukpru edibaŋ ofriyo, ebiet emi mmɔ ekefɔpde edinem incense do enɔ kpukpru mme ibɔk mmɔ.

EZEKIEL 6:3

Nyuŋ dɔhɔ ete, Mbufo ikpɔ obot Israel ekop uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ikpɔ obot ye ŋkpri, ye mme idim mmɔŋ, ye mme itihere; ete, Sese, ami kpa ami, mmɔŋ nda ofut ntiene mbufo nnyuŋ nsobo ŋkokoŋo ebiet mbufo.

EZEKIEL 6:6

Mme obio eyewure ke kpukpru ebiet iduŋ mbufo, ŋkokoŋo ebiet eyenyuŋ ebiara, man mme itie-uwa mbufo ekpesobo, enyuŋ edi ndon, mme ibɔk mbufo enyuŋ enuaha enyuŋ ekure, man mbiet ŋkpɔ mbufo esiaha, man enyuŋ esɔhi utom mbufo efep.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

LEVITICUS 26:1

MBUFO ekunam ndem enɔ idem mbufo, ekunyuŋ enim edisɔi mbiet, ye adaha enɔ idem mbufo, ekunyuŋ eda itiat eke esɔide ewuk ke isɔŋ mbufo, man enuhɔ enɔ enye: koro ami ndide Jehovah Abasi mbufo.

MICAH 5:14

Nyenyuŋ mbiat mme eto-mkpe fo ke ufɔt fo mfep, nnyuŋ nsobo mme obio fo.

DEUTERONOMY 12:2

Mbufo etim esobo kpukpru ebiet eke mme idut emi mbufo edidade, enamde ido mme abasi mmɔ, ke enyɔŋ ŋkokoŋo obot, ye ke enyɔŋ ŋkpri obot, ye ke idak kpukpru awawa eto:

DEUTERONOMY 16:22

Kunyuŋ uwuk adaha unɔ idem fo: emi Jehovah Abasi fo asuade.