1 NDIDEM 14:21 - Edisana ñwed Abasi Ibom

²¹ Ndien Rehoboam eyen Solomon edi edidem ke Judah. Rehoboam osim isua aba ye kiet ke ini enye adade ubɔŋ, onyuŋ edi edidem ke isua efureba ke Jerusalem, obio oro Jehovah ekemekde ke otu kpukpru esien Israel, ndisin enyiŋ esie do. Ndien enyiŋ eka esie ekere Naamah ŋwan Ammon.

1 NDIDEM 14:21 ပူးပေါင်းရင်းမြစ်များ

1 NDIDEM 11:1

NDIEN edidem Solomon ama ediwak isen iban, ɔkɔrɔ ke eyen Pharaoh aŋwan, kpa iban Moab, ye eke Ammon, ye eke Edom, ye eke Zidon, ye eke Heth;

1 NDIDEM 11:32

(edi enye eyeda esien kiet abaŋa owo mi David, ye Jerusalem, obio emi ŋkemekde ke kpukpru esien Israel:)

1 NDIDEM 11:36

Edi nyeda esien kiet nnɔ eyen esie, kpaŋ David owo mi ekpenyene utuenikaŋ kpukpru ini ke iso mi ke Jerusalem, obio emi ŋkemekde ke idem mi, ndinim enyiŋ mi do.

1 NDIDEM 11:43

Ekem Solomon ɔsuhɔre ana ye mme ete esie ede, onyuŋ ɔbuhɔ ke obio David ete esie: ndien Rehoboam eyen esie ada ubɔŋ ke itie esie.

1 NDIDEM 12:17

Ndien Israel enyɔŋɔ ke mme tent mmɔ. Edi ama edi nditɔ Israel emi eduŋde ke mme obio Judah. Rehoboam edi edidem mmɔ.

1 NDIDEM 14:20

Ndien ini emi Jeroboam akadade ubɔŋ edi isua edip ye iba: ndien enye ɔsuhɔre ana ye mme ete esie ede idap: ndien Nadab eyen esie ada ubɔŋ ke itie esie.

1 NDIDEM 14:31

Ndien enyiŋ eka esie ekere Naamah ŋwan Ammon. Ndien Abiijam eyen esie ada ubɔŋ ke itie esie.

1 NDIDEM 22:42

Jehoshaphat osim isua edip ye efut ke ini enye adade ubɔŋ; ndien enye edi edidem ke Jerusalem ke isua edip ye ition. Enyiŋ eka esie ŋko onyuŋ ekere Azubah eyen Shilhi.

1 NDIDEM 8:16

Toto ke usen oro ŋkosiode ikɔt mi Israel ke Egypt mfep, ŋkemekke baba obio kiet ke otu kpukpru mme esien Israel nte ebɔp ufɔk, man enyiŋ mi okpodu do; edi ŋkemek David nte enye akara ikɔt mi Israel.

1 NDIDEM 8:29

yak enyin fo esuk ese ufɔk emi ke okoneyo ye ke uwemeyo, kpa ebiet emi afo ɔdɔhɔde ete, “Enyiŋ mi eyedu do:” nyuŋ kop akam eke owo fo edibɔŋde ese ebiet emi.

1 NDIDEM 8:44

Adaŋemi ikɔt fo edikade ekɔŋ ye mme asua mmɔ, ke usuŋ eke afo edidɔŋde mmɔ utom, edinyuŋ ebɔŋde akam enɔ Jehovah ese usuŋ obio emi afo emekde, ese ufɔk emi mbɔpde nnɔ enyiŋ fo;

2 CHRONICLES 12:1

EDIKEM adaŋemi Reho-boam ama ɔkɔdiɔŋ onim ubɔŋ, onyuŋ ɔsɔŋɔ itie esie, enye ye ofuri Israel ŋko ekpɔŋ mbet Jehovah.

2 CHRONICLES 12:13

Ntem ke edidem Rehoboam ɔsɔŋ itie esie ke Jerusalem, onyuŋ ada ubɔŋ, koro Rehoboam osimde isua aba ye kiet ke ini enye adade ubɔŋ, enye onyuŋ edi edidem ke isua efureba ke Jerusalem, obio emi Jehovah ekemekde ke kpukpru esien Israel, ndinim enyiŋ esie do: enyiŋ eka esie onyuŋ ekere Naamah, ŋwan Ammon.

2 CHRONICLES 13:7

Mbukpo owo emenyuŋ esop ye enye, kpa mme oburobut owo emi esɔŋde ido ye Rehohoam eyen Solomon, ke ini Rehoboam edide eyenɔwɔŋ, onyuŋ ememde esit minyuŋ ikemke ubɔk ye mmɔ.

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

DEUTERONOMY 12:21

Edieke ebiet emi Jehovah Abasi fo edimekde ndinim enyiŋ esie do, oyomde fi usun akan ndien da enaŋ fo ye erɔŋ fo eke Jehovah ɔnɔde fi, wot kpa nte ŋketemede fi, nyuŋ ta ke ebiet fo, kpa nte esit fo amade.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 23:3

Eyen Ammon ye eyen Moab ekuduk ke esop Jehovah, baba ke idem ɔyɔhɔ emana mmɔ duop, ekuduk ke esop Jehovah ke nsinsi: