1 NDIDEM 14:20 - Edisana ñwed Abasi Ibom

²⁰ Ndien ini emi Jeroboam akadade ubɔŋ edi isua edip ye iba: ndien enye ɔsuhɔre ana ye mme ete esie ede idap: ndien Nadab eyen esie ada ubɔŋ ke itie esie.

1 NDIDEM 14:20 ပူးပေါင်းရင်းမြစ်များ

1 NDIDEM 11:43

Ekem Solomon ɔsuhɔre ana ye mme ete esie ede, onyuŋ ɔbuhɔ ke obio David ete esie: ndien Rehoboam eyen esie ada ubɔŋ ke itie esie.

1 NDIDEM 14:19

Ndien ikɔ Jeroboam eŋwen, nte enye akaŋwanade ekɔŋ, nte enye okonyuŋ adade ubɔŋ, sese, emewet mmɔ ke ŋwed ikɔ eyo ndidem Israel.

1 NDIDEM 14:21

Ndien Rehoboam eyen Solomon edi edidem ke Judah. Rehoboam osim isua aba ye kiet ke ini enye adade ubɔŋ, onyuŋ edi edidem ke isua efureba ke Jerusalem, obio oro Jehovah ekemekde ke otu kpukpru esien Israel, ndisin enyiŋ esie do. Ndien enyiŋ eka esie ekere Naamah ŋwan Ammon.

1 NDIDEM 2:10

Ekem David edide idap ye mme ete esie, onyuŋ ɔbuhɔ ke obio David.

2 CHRONICLES 13:2

Enye edi edidem ke Jerusalem ke isua ita: ndien enyiŋ eka esie ekere Micaiah eyen Uriel a Gibeah aŋwan. Ekɔŋ onyuŋ odu ke ufɔt Abijah ye Jeroboam.

2 CHRONICLES 13:20

Ndien Jeroboam ikopke aba odudu ke usen Abijah: ekem Jehovah ɔtɔ enye owot.

ŊWED JOB 14:12

Kpa ntre ke owo ɔsuhɔre ana ke isɔŋ, inyuŋ idahake ke enyɔŋ: mmɔ idemekede tutu ikpa-enyɔŋ okure, idinyuŋ ituakke mmɔ ke idap mmɔ.

ŊWED MME PSALM 3:5

Ami ŋkɔsuhɔre nna, nnyuŋ nde idap; ndemere; koro Jehovah omumde mi akama.

ŊWED MME PSALM 4:8

Nyesuhɔre nna ke isɔŋ, nnyuŋ nde idap suŋ-ŋ koro edi afo, Jehovah, ikpɔŋ-ikpɔŋ anam mi ntie ke ifure.